چے نبشتہ بکناں ؟ – شئے بازید

چے نبشتہ بکناں ؟

نبشتہ: شئے بازید

دی بلوچستان پوسٹ

اے نوشتانک کہ من نبشتہ کنگ بندات کت ھمدا چہ جستے چست بوت کہ واقعی المی انت کہ اے سرھال سرا نوشتانک نبشتہ کنگ بہ بیت؟ اگاں المی انت !گڑاں پرچا المی انت ؟ءُ پدا اے ورناہ سرا پرچا نبشتہ کنگ بہ بیت ءُ من پرچا نبشتہ بکنانے؟ اے جست یک نیمگ کن یکبرے

اول واہ اش انت کہ نبشتانک بائدیں 10 سال پیسر نبشتہ کنگ بوتیں بلے!!
• انچو کہ اے نبشتانک نبشتہ نہ کنگے وجہ نابودیء’ ھوار نہ بزانتی ءُ کم عمری ھم بوتگ کہ اے دابیں ورنائیں کردار بابت واقف نہ بوتگیں ھمے ھاترا آ وھدا نبشتہ کت نہ کتگ بلے نوں نبشتہ کنگ بہ بیت

چیاکہ بلوچءِ سرجمیں بے دروریں ورنائیں کرداراں چہ یکے کردارے، کہ آئی بلوچ ورناہاں یک تچکیں راہ دائگءَ یک مزنیں کرد ادا کتگ ءُ پدا اے دابیں ورناہاں تاک سرا ایر گیجگ ھم ارزان نہ انت، کہ کلاں چہ گستہ انت اشی وتی یک عملی زندگی آ اسٹیج سرا وتی گشتانک گوں لس مھلوک موبلائزیشن بہ بیت،مچی اڈ دئیگ بہ بیت، روانک کشگ بہ بیت اشی زانتءُ علم و عمل اے کلیں کرد بہ بنت،اشی سرجمیں خاصیت ابید کلاں چہ گستائیں خاصیت ،اشی بے مثالیں حوصلہ انت کہ اشیء’ چہ بلوچے کل کرداراں چہ گستہ کنت بقول شہید کمبر چاکر اشی حوصلہ مئے لٹریچر انت ۔۔
پہ درورے !!

کہ 10 سال انت انگت ریاست بندیگ جاہاں بند انت بلے گوں ریاست کمفرومائز نہ کنت تو بگش ایشی حوصلہ مئے لٹریچر نہ انت ءُ اشی حوصلہ بے مثال نہ انت، انگت اے کردار بابتء- نبشتہ کنگ مہ بیت؟

بلے منا مجبور کنگء’ انت کردار نبشتہ بکناں، ھما زنگی ئیں قلم اسکول پیپرآں ابید دگہ ھچ نبشتہ نہ کنت۔۔ مرچی منی قلم ھمے کردارا مجبور کتگ نبشتہ بہ کنت بلے اے رنگیں کردار وانگ ءُ زانگ پد کسے ھم پہ جزم گشت کنت ورناہ راجانی روتگ انت اے راستی گواچنی دنیا دپتر دنت کہ ورناہ ھمک دور ءُ باریگءَ گوں وتی پر جوشیں جزبگ ءُ زرنگی یے(چڑک) وجہَ دنیا ھمک زلم ھلاپ ھما ھند ورناہ پیسر بوتگاں

پہ درورے
بیستمی کرنءَ 19 ورناہ کہ آ لنکُکانی سرا ھساب بنت گوں وتی پرُآشوبیں جہد گوں امریکہ وڑیں سپر پاور چلینج کن انت ءُ مرچی ھما ملک دنیا تہا یک آزادیں ریاستے نامءَزانگ بیت ، اگاں ما بلوچ تہا بہ چاریں ھم چشیں ورناہ دست کپیت آ پاھو چکیت بلے زلمءَ دیما سرا جھل نہ کنت چو حمید بلوچ وڑا،بلوچ ھمسائگیں ملک برصغیر تہا مارا بھگت سنگھ گندگ کیت کہ 23 سال عمرا گوں وتی سنگتاں برطانیہ سامراج چیلنچ کنتءُ پاھو دئیگ بیت، دومی نیمگ بلوچ تہا کمبر چاکرے گندگ کہ ریاستءَ را آئی ٹاچرسیل نی تہا باور کنائنیت کہ ما مرت کنیں بلے بلوچ آزادی چہ دست کش بوت نہ کنیں،

بلے اے سرجمیں کردار چہ جتائیں کردار کہ آ زاکر مجید نامءَ زانگ بیت 1983 ءَخضدارءَمجیدءِلوگ پیداک بوتگ، تقریبا 2000 وھد سیاست بندات کتگ۔
اسٹوڈنٹس سیاست تہا زوت وتا منّارینتگ، 2006 بی ایس او کونسل سیشنءَ زاکر مجید سینئر جوائنٹ سیکٹری گچیں کنگ بیت،ھمے وھداں جنرل سیکٹری دست کشی وجہ ذمہ زاکر مجید کوپاگآں کاینت، پدا 2008 کونسل سیشنءَ وائس چئیرمین گچین کنگ بیت، ھمے جڑکی وجہ بیت کہ آ 2006 خضدار چہ بشیر زیب ھمرائی گرفتار کنگ بیت کہ بلکیں ھاموش بیت بلے جیل درآھگ پد ھم کیت، ھما اسٹیج سرا پدا اوشت ایت کہ پیسرا اوشتوک بوتگ ءُ لس مھلوک ھوار نودربرانی یک لڈے گندگءَکیت کہ آئی گوشدارگءَآں، آئی سیاسی سرکل بہ بنت یا جلسہ آ وھد چشیں کم نودربر بنت آہاں زاکر سرکل یا جلسہ نی بھر نہ زرتگ، ایشی مستریں وجہ زاکر گشتانکءِ انداز بوتگءُدومی آئی وتا بلوچستانءِ ھمک ھند سر کتگ۔

آ گودار کوہ باتیل بہ بیت، پسنی جُڈی بہ بیت، بلیدہ بہ بیت یا تربت سوچوکیں لِوار، مند ءُ تمپ بلوچستانءِ ھمک زاکر مجید توار الم تئی گوشاں کپتگ بلے ھمے توار 2009 8 جون چہ اش کنگ بئیگءَنہ انت
کس ھم نزانت کہ اے کجا انت

اے پیسلہ نوں تئی سرا انت کہ واقعی المی انت کہ اے سرھال سرا نوشتانک نبشتہ کنگ بہ بیت؟ اگاں المی انت !گڑاں پرچا المی انت ؟ءُ پدا اے ورناہ سرا پرچا نبشتہ کنگ بہ بیت ءُ من پرچا نبشتہ بکنانے؟