حملہ آور موقع واردات سے فرار ہونے میں کامیاب
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے علاقے لورالائی میں نامعلوم مسلح افراد کی فائرنگ ایک شخص موقعے پر ہلاک ہوگیا۔
تفصیلات کے مطابق لورالائی سے 60 کلومیٹر دور تحصیل میختر کے علاقے میں چمالنگ روڈ پر مسلح افراد نے مخالف سمت سے آنے والے ٹریکٹر پر اندھا دھند فائرنگ کر دی جس کے نتیجے میں ٹریکٹر ڈرائیورقلم ولد منگل قوم پالیزئی ساکن میختر موقع پر ہلاک ہو گیا۔
مذکورہ شخص کے نعش کو سول ہسپتال پہنچایا گیا جبکہ ملزمان موقع سے فرار ہو گئے اور اس حوالے سے مزید کاروائی میختر لیویز کر رہی ہے۔
