لیویز حکام کے مطابق انہوں نے اسلحہ دوران آپریشن ایک پہاڑی غار سے برآمد کرلیا ۔
دی بلوچستان پوسٹ کو موصول ہونے والی اطلاعات کے مطابق بلوچستان کے ضلع سبی کے علاقے کٹ منڈائی سےلیویز فورس نے بڑی مقدار میں اسلحہ برآمد کرنے کا دعوی کیا ۔
لیویز حکام کے مطابق رسالدار لیویز عارف مری کی سربراہی میں آپریشن کرکے مارٹرکے گولے برآمد کرلئے ۔
میڈیا سے بات چیت کرتے ہوئے رسالدار عارف مری نے کہا کہ سبی کٹ منڈائی کے پہاڑی غار سے اسلحہ حساس اداروں کی نشاندہی پر آپریشن کرکے برآمد کرلیا ۔
خیال رہے کہ سبی ،کوہلو اور کاہان کے پہاڑی علاقوں سے اکثر اوقات فورسز بڑی مقدار میں مختلف قسم کے چھوٹے بڑے پیمانے ہتھیار و گولہ بارود برآمد کرنے کا دعوی کرتا ہے ۔
