بلوچ لبریشن آرمی کے ترجمان جیئند بلوچ نے میڈیا کو جاری کردہ ایک بیان میں بلوچستان کے صنعتی شہر حب چوکی میں فرنٹیئر کور پر ہونے والے حملے کی ذمہ داری قبول کرتے ہوئے کہا ہے کہ ہمارے سرمچاروں نے حب چوکی میں سوک سینٹر کے قریب فرنٹیئر کور کے اہلکاروں پر فائرنگ اور دستی بم سے حملہ کرکے ایک اہلکار ہلاک اور دو کو زخمی کردیا۔
ترجمان نے مزید کہا فوجی اہلکار تربت سے آنے والے ایک مسافر بس الجاوید کوچ میں حب بازار پہنچے تھے، ہمارے سرمچار پہلے سے انکے گھات میں بیٹھے ہوئے تھے، عوامی نقصان سے بچنے کے پیش نظر فوجی اہلکاروں پر اس وقت حملہ کیا گیا جب وہ مسافر کوچ سے محفوظ فاصلے تک پہنچ چکے تھے۔ اس حملے کی ذمہ داری بلوچ لبریشن آرمی قبول کرتی ہے۔
جیئند بلوچ نے مزید کہا کہ ہم بلوچ عوام کو تاکید کرتے ہیں کہ وہ اپنی حفاظت کے پیش نظر فوجی اہلکاروں، چوکیوں، گاڑیوں، کیمپوں اور ریاستی ایجنٹوں سے محفوظ فاصلہ رکھیں تاکہ کسی ناخوشگوار حادثے کا شکار ہونے سے بچ سکیں۔
ترجمان نے ایک بار پھر اس عزم کا اعادہ کیا کہ پاکستانی فوج اور فوجی مفادات پر ان حملوں کا مطمع نظر مکمل بلوچ قومی آزادی و خودمختاری ہے اور اس مقصد کے حصول تک یہ حملے جاری رہیں گے۔
