چاگرد ءُ زالبول ءِ کِرد
اکیل مراد
دی بلوچستان پوسٹ
پارسی ءَ زالبول ءِ مَٹ “ھیا ” ءُ اَربی ءَ” ٹپیتگیں” زالبول چاگرد ءِ بندری کردارانی تہ ءَ اِنت، اگاں زالبول ءَ کجام ھم رِشتہ ءِ تہ ءَ بندوک بہ کن ئے باز جیڑہ اِنت.
ھما نیگھاں اگاں بہ چار ئے ،گڑا آئی ءِ لگتمالی اِنت، زند ءِ بازیں تکاں چہ بندوکیں مردماں راجکاری، مزگزنی ءُ شائری ءِ زرکاری ءُ دگہ پھناتاں زالبول ءِ کرد بازیں وڑے ءَ دیم ءَ پدرائی کنت.
کجام زمین چیری ءَ نوھی انسانانی گڈی ءِ سپر ءَ کجام نا کجام یک گولیں لَکری ءَ چہ ڈن اِنت، بَلے زالبول ءِ ھِمت ءُ سپاہکاری ءِ رد ءَ زالبول ھمک تک ءُ پھناتاں یک جوانیں شَرپے یے ءِ واھند اِنت، انسان کجام ھم لیکاری یے واھند بہ بیت، زندگی ءِ سپر ءَ گون بہ بیت یا کجام نا کجام ڈَول ءَ زالبول ءِ زیر مِنتی ءَ گِندگ بیت اِنت، ھمک سوبمندیں انسان ءِ پُشت ءَ زالبولے ءِ دست مان اِنت.
اگاں راست اِنت کہ اشی ءِ مَٹ اے نہ اِنت، اے نازرکیں وت پرستی ءِ یک نامناکیں زورے اَلّم جاڑیگ اِنت، گڑا آئی ءِ زات ءِ پشت ءَ زیرمِنتی ءَ کجام وھد ءَ رودم زرتگ. اے سلسلگ ءِ بھتام مردانی سر ءَ بیت یا زالبولانی سر ءَ کپ اِنت، اے ھما بیھناکیں ھبر اِنت کہ آئی ءِ گیشنگ ءَ اِلم ءُ زانت ءِ ٹوھیں کردے ءِ واھند گیشنت کرت کنت.
ھنچش کہ بھارگاھیں پُلانی شادمانی ءَ گْوات کنت، بَلے اگاں اے رشتہ ءِ بندری ءِ راجدپتر ءَ کمے چمّاں مردم شانک بہ دنت یا نِزوری ءَ بہ چار اِیت ،گڑا اے تاجگیں مولمی پُلانی وڑ ءَ زوت براھدار ءُ یک نامے ءِ وڑ ءَ گِندگ بیت. زالبول ءِ راستیں چھرگ آئی ءِ “ھیا ” آئی ءِ مردم گری ءِ راستگ ءُ ڈولڈاریں چھرگ اِنت.
ھمے ڈولڈاری پاک ءُ پلگار بیت اِنت کہ انسان دوستی ءِ مھراں ودین اِت. چریشی ءِ سوب نا امیتی ءِ تھاریں شپاں کرناں بندوکیں وھداں پروش اِیت ءُ رژن ءِ بام ءَ بلین اِیت.
چوناھیگہ ءَ زالبول ءِ شرپ راستگی ءَ نوہ ءِ انسان ءِ بروبری اِنت. ھزرت بابا آدم ءُ ھَوا ءَ چہ ابید چشیں انسانے ودی نہ بیتگ کہ آ مات ءَ ودی نہ کرتگ.
“مئے واست ءَ مات یک شرپّے کہ آئی ءِ ھمک تکاں شرپی ءِ زنجیل بندوک اَنت ” اے وڑ ءَ زالبول ءِ نِزور سرپد بیگ نا بزانتی یے، بےھودیں ردانی وڑ ءَ یکے.
ھمے وڑ ءَ بلوچ چارگرد ءَ اگاں مردم وتی چمّاں پَچ بہ ترین اِت ،گڑا ترا بازیں تکاں چہ بندوکیں زالبول گِندگ ءَ کَیت، ھمے زالبولانی تہ ءَ کہ پہ انسانی ھکانی گھبودی ءَ کار کنوکیں زالبولانی تہ ءَ یکّے بانک “طیبہ ” کہ انسانی ھکانی گل ءَ بزاں بلوچ ہیومین رائٹس آرگنائزیشن ءَ بندوک اِنت. آ پہ انسانی زندمان ءِ رکینگ ءَ بَرے یک جاھے ءَ تئی چمّانی دیم ءَ گِندگ بیت. آ تُری شال ءِ برپیں دگ بہ بنت یا گرم ءُ تاپتگیں روچ بہ بیت طیبہ اے کسان سالیں وھد ءَ آئی ءِ برپ ءُ روچ ءُ شپان ءَ ھمراھی ءَ سرجنان اِنت.
آئی ءِ جند ءِ نندانکانی جیڑگاں ،اگاں مردمے الکاپ ءُ ھُژاری ءَ بہ چار اِت، تاں گڑا سَما کپ اِت کہ بند ءُ مھریں چاگرد ءِ رکینگ ءَ انسان دوستی ءِ زندگ دارگ ءَ طیبہ ءِ وڑیں یک نودربرے ءِ کرد چہ دنیا ءِ آدگہ راجانی کردگاراں مَٹ بیت نہ کنت پرچا؟
اے وھد ،زُلم ءُ جابریں زُلمانی دیم ءَ اوشتگ ءُ سلوات کنگ پمنی دل ءَ یک ٹوھیں ھبرے کہ وھدیکہ جند ءِ مردماں ھَوار زندمان ءِ زیر کپتگیں مردمانی درگیجگ ءُ آیانی سرجمیں آڑینتگ ءُ بار گپتگیں مھترے ءِ وھد ءَ گڑا سکیں وڑے ءَ گران اِنت.
پرچاکہ آ مھترے ءَ انسان ءِ جند ودی مہ بیت ،انسان ءِ ھکانی گر ءُ داری ءِ ھبر گوشدارگ مہ بیت، گڑا آ مھتر ءَ چہ زوراک تِریں مھتر نیست کہ آ ھچ وڑیں ھبر ءِ منّگ ءَ جاڑیگ مہ بیت، آئی کرداں لگتمال بہ بنت ،گڑا ٹوھیں جرماں کپتگیں اسراں گوزان اِنت.
ھمے جیڑگانی پُشدرئی ءَ طیبہ ءِ وڑیں یک نودبرے ءِ دورشم ءَ استال ءَ چہ درپشوکیں زندمانے پدر کنگ ءَ یک چاگردے ءَ ارزش مندیں کردگار اَنت، اشی ءِ پرز ھمک زالبول ءُ ھجگ رُستگیں جنکاں چہ یک کلوھے بیت کہ چاگرد ءِ جیڑگانی گیشنگ ءَ آئی ءِ کجام دیمھونی ءِ کرد ساچگ لوٹ اَنت؟
کجام دْرچ ءَ آ وت ءَ بہ رجین اِت ءُ وتی چاگرد ءَ یک نوکیں زندمان ءِ بہ بکش اِت
طیبہ شال ءَ گوں شال ءِ برپ ءُ درپشوکیں استالانی شپاں سلامت بات
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
