سڑکوں پر گندا پانی بہنے سے وبائی امراض پھوٹنے کا خدشہ
بلوچستان کے علاقے سنجاوی میں سیوریج کا نظام ناکارہ ہوجانے اور جگہ جگہ بند ہونے سے گندا پانی بازار میں بہنے سے عوام کو مشکلات کا سامناکرنا پڑرہاہے۔ مین بازار میں سیوریج نظام اور نالہ بند ہونے سے قریبی دیہات کا گندا پانی مین روڈ پر بہنے لگا جس سے دکانداروں اور دیگر افراد کو پریشانی کا سامنا کرنا پڑ رہا ہے ۔
علاقائی ذرائع کے مطابق مین سیوریج کا نظام گذشتہ کئی مہینو ں سے بند پڑا ہے ۔جس کی وجہ سے قریبی دیہات شریف آباد کے گندا پانی شہر میں داخل ہونے سے پیدل چلنے والوں اور دکانداروں کو سخت مشکلات درپیش ہیں جبکہ سڑک پر گندا پانی جمع ہونا روز کا معمول بن گیا ہے اورسڑک نالہ کا منظر پیش کررہاہے
سماجی حلقوں نے بد بو اور تافین پھیلنے سے وبائی امراض پھوٹنے کا خدشہ ظاہر کیاہے جبکہ شہریوں نے سنجاوی سے منتخب وزراء سمیت مقامی انتظامیہ سے فوری طور پر نوٹس لینے کی گزارش کی ہے۔
