کوئٹہ سے ایک شخص کی تشدد زدہ لاش برآمد
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے دارالحکومت کوئٹہ کے نواں کلی سرہ غڑگئی سے ایک شخص کی تشدد زدہ لاش برآمد ہوئی ہے۔
لاش کی شناخت نہیں ہوسکی، ریسکیو اہلکاروں نے لاش کو مردہ خانہ منتقل کریا ہے۔
یاد رہے بلوچستان میں طویل عرصے لاشیں ملنے کا سلسلہ جاری ہے اور قوم پرست حلقوں کے جانب سے یہ دعویٰ کیا جاتا رہا ہے کے یہ لاشیں اکثر ان افراد کی ہوتی ہے جنہیں جبری طور پر لاپتہ کردیا جاتا ہے جبکہ ان کا موقف ہے کہ ان افراد کو جبری طور پر لاپتہ کرنے میں ریاستی فورسز اور خفیہ ادارے ملوث ہیں۔
واضع بلوچستان میں آئے روز لوگوں کی لاپتہ ہونے کی خبریں چلتی ہے اور لاپتہ افراد کی تنظیم وائس فار بلوچ مسنگ پرسنز کے مطابق لاپتہ افراد کی تعداد بلوچستان میں 40 ہزار سے تجاوز کرگئی ہے۔
