جھاؤ سے گرفتار ہونے والے منشیات فروش کے خلاف تھانے میں ایف آئی آر درج
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے علاقے جھاؤ میں ڈپٹی کمشنر آواران کے حکم پر لیویز نے منشیات کے اڈے پر چھاپہ مار کر منشیات فروش کو گرفتار کرکے منشیات برآمد کرلی۔
تفصیلات کے مطابق جھاؤ میں منشیات کے اڈے پر لیویز فورس نے چھاپے میں منشیات فروش نزیر احمد ولد غلام رسول کو گرفتار کرکے اڈے سے منشیات برآمد کرنے کے بعد تحصیل تھانہ جھاؤ میں ملزم کے خلاف ایف آئی آر درج کردی۔
یادرہے اس سے قبل بھی جھاؤ میں مبینہ منشیات فروش عبدالغفور کو گرفتار کرکے اُس کے خلاف کاروائی کی گئی تھی، عبدالغفور تاحال لیویز کی تحویل میں ہے ۔
واضح رہے جھاؤ میں بڑتے ہوئے منشیات کے کاروبار کی روک تھام اور اس سے ہونے والے نوجوان نسل کی بربادی کے خلاف گزشتہ روز جھاؤ کے مکینوں کی جانب سے جھاؤ پریس کلب کے سامنے احتجاج کیا گیا اور حکام سے منشیات فرشوں کے خلاف سخت کاروائی کرنے کی اپیل کی گئی۔
