پٹیشن انٹرنیشنل ہیومن رائٹس کونسل نے طالبعلم محمد صادق کی بازیابی کیلئے داخل کی ہے
دی بلوچستان پوسٹ ویب ڈیسک کو موصول ہونے والی اطلاعات کے مطابق انٹرنیشنل ہیومن رائٹس کونسل کی جانب سے محمد صادق ولد محمد عمر کی بازیابی کیلئے ایک آن لائن پیٹیشن داخل کی گئی ہے۔
نوجوان طالب علم محمد صادق کو پاکستان فورسز نے مشکے سے 26اگست 2018 کو گرفتار کرکے اپنے ساتھ لے گئے لیکن گرفتاری کے بعد انہیں جلد ہی رہا کر دیا گیا تھا۔ مگر اگلے ہی دن یعنی 27اگست 2018کو انکو ایک دفعہ پھر گرفتار کرکے لے گئے، جس کے بعد وہ تاحال لاپتہ ہیں۔
اطلاعات کے مطابق طالب علم محمد صادق کی بازیابی کیلئے انٹر نیشنل ہیومن رائٹس کونسل ہانگ کانگ نے پاکستانی حکومت سے اپیل کی ہے کے وہ طالب علم کی بازیابی کو عمل میں لائے۔
