سیکورٹی فورسز کے ہاتھوں گرفتاری کے بعد لاپتہ ہونے والے اسکول ماسٹر بازیاب
دی بلوچستان پوسٹ نیوز ڈیسک کو موصول ہونے والی اطلاعات کے ضلع واشک کے علاقے راغے کے رہائشی ماسٹر عبدالعزیز رہاہوگئے ہیں۔
تفصیلات کے مطابق 12مارچ 2018کو اوتھل سے سیکورٹی فورسز کے ہاتھوں حراست بعد لاپتہ ہونے والے ماسٹر عبدالعزیز ولد ملا خان محمد آج بازیاب ہوکر گھر پہنچ گئے ہیں۔
لاپتہ بلوچوں کی بازیابی کے جہدو جہد میں سرگرم تنظیم وائس فار بلوچ مسنگ پرسنز نے ماسٹر عزیز کی بازیابی کی تصدیق کردی۔
وائس فار بلوچ مسنگ پرسنز کے مطابق ماسٹر عبدالعزیز کے ساتھ خالد بلوچ جو کہ اوتھل یونیورسٹی میں لیکچرار اور شہید راشد بلوچ کے چھوٹے بھائی ہیں کو بھی حراست میں لے کر نا معلوم مقام منتقل کیا گیا تھا جو تاحال لاپتہ ہے۔
