حب ساکران پولیس کا جرائم پیشہ افراد کے خلاف کریک ڈاؤن ڈکیتی کے کیس میں مطلوب پانچ ملزمان سمیت سات افراد گرفتار
دی بلوچستان پوسٹ حب نمائیندے کے مطابق بلوچستان کے صنعتی شہر حب میں ایس ایس پی لسبیلہ آغا رمضان علی کے ہدایت پر ایس ایچ او ساکران قاضی صابر نے جرائم پیشہ افراد کے خلاف کریک ڈاؤن کرتے ہوئے ڈکیتی کے کیس میں مطلوب پانچ ملزمان جلیل ، گل حسن ، یاسر ، سہیل اور سلیمان کو گرفتار کرکے ملزمان کے قبضے سے ایک ٹی ٹی پسٹل، دوران ڈکیتی استعمال ہونے والے دو شاٹ گن برآمد کرلیئے۔
ایک اور کاروائی میں ملزم خدا بخش سے چوری کی گئی موٹر سائیکل برآمد کرکے مقدمہ درج کرلیا گیا۔
مزید تفصیلات کے مطابق ملزم حاجی موٹر سائیکل چوری کیس میں کراچی منگھوپیر پولیس کو مطلوب تھا۔ جسے پولیس نے دھرلیا ہے اور دوران چیکنگ ایک اور ملزم عبدالروف سے ایک کلو چرس برآمد کرکے مقدمہ درج کرلیا ہے۔
ایس ایچ او ساکران کے مطابق پولیس نے جرائم پیشہ افراد کے خلاف کریک ڈاؤن شروع کر رکھا ہے۔
