بی این پی کے سربراہ سردار اختر مینگل صاحب نے عمران خان کی کراچی میں کی گئی تقریر کو مایوس کن قرار دیتے ہوئے کہا ہے کہ ایک طرف افغانستان کے ساتھ ڈیورینڈ لائن پر باڑ لگائی جا رہی ہے تو دوسری طرف پاکستان میں مقیم افغانیوں کوشہریت دینے کا اعلان کیا جا رہا ہے۔
اختر مینگل نے کہا کہ اگر آپ افغانیوں کو شہریت دینا چاہتے ہیں تو پھر افغانستان کے ساتھ لگنے والی ڈیورنڈ لائن کو ختم کردیں۔
بی این پی سربراہ نے حکومت کی اس وضاحت پر تعجب کا اظہار کیا کہ افغانیوں کو قومی شناختی کارڈز اور پاسپورٹس صرف کراچی میں دیئے جائیں گے۔
سردار اختر مینگل نے کہا کہ دنیا کے کون سے ملک میں دو دو قانون چلتے ہیں۔ ہمیں تو سمجھ میں نہیں آتا کہ کراچی کے لیئے ایک اور باقی ملک کے لیئے دوسرا قانون کس طرح چل سکتا ہے۔
