بارشیں نہ ہونے کے باعث کاریزات کا پانی بھی ختم ہوگیا
دی بلوچستان پوسٹ ویب ڈیسک کو موصول ہونے والی اطلاعات کے مطابق دالبندین کے علاقے یک مچ میں خشک سالی کے باعث کھجور کے باغات خشک ہوکر ختم ہوگئیں۔
دالبندین شہر سے ساٹھ کلومیٹر کے فاصلے پر آر سی ڈی شاہراہ کے قریب واقع یک مچ کے علاقے میں خشک سالی کے باعث پانی ناپید ہوگئی۔
سماجی کارکن پیرداد شہی نے میڈیا نمائندوں سے بات کرتے ہوئے کہا کہ کھجور کے باغات کا خشک ہونا لمحہ فکریہ ہیں۔ اس سے پہلے کاریزات کے ذریعے ان باغات کو پانی فراہم کر کے خشک ہونے سے بچایا گیا مگر مسلسل بارش نہ ہونے کے باعث کاریزات کا پانی بھی ختم ہوگئی جس کی وجہ سے یک مچ کے کھجور کے مشہور باغات خشک ہوکر ختم ہوگئے ہیں۔
ان کا کہنا تھا کہ ان باغات میں سے کچھ بچ گئے ہیں جنہیں اپنی مدد آپ کے تحت پانی فراہم کی جارہی ہے لیکن حکام بالا پانی کا متبادل حل نکالیں اور کھجور کے نسل کو بچائیں۔
