جھاؤ میں فورسز کی جانب سے بلوچ نیشنل موؤمنٹ کے رہنماء کے گھر پر چھاپہ
دی بلوچستان پوسٹ ویب ڈیسک کو موصول ہونے والی اطلاعات کے مطابق ضلع آواران کے تحصیل جھاؤ کے علاقے زیلگ میں واقعے بلوچ نیشنل موؤمنٹ کے آواران ریجن کے رہنماء اقبال بلوچ کے گھر پر پاکستانی فورسز کی جانب سے چھاپہ مارا گیا۔
میڈیا ذرائع کے مطابق فورسز نے دوران آپریشن خواتین و بچوں اورگھر میں موجود دیگر افراد کو تشدد کا نشانہ بنانے سمیت گھر میں توڑ پھوڑ کی جبکہ اقبال بلوچ کی عدم موجودگی میں ان کے عمر رسیدہ والدہ سے بدکلامی بھی کی گئی۔
واضح رہے بلوچستان میں اس سے قبل بھی قوم پرست سیاسی پارٹیوں اور تنظیموں سے تعلق رکھنے والے رہنماؤں و کارکنان کے گھروں پر فورسز کی جانب سے چھاپے لگائے جانے کی خبریں تواتر سے موصول ہوتی رہی ہیں جبکہ قوم پرست حلقوں کے مطابق گھروں پر آئے روز چھاپوں کے واقعات سمیت متعدد قوم پرست کارکنان و رہنماؤں کوحراست بعد لاپتہ کردیا گیا ہے جن میں سے متعدد کی تشدد زدہ لاشیں بھی برآمد ہوئی ہے۔
