جھاؤ میں نامعلوم افراد نے فورسز کی چوکی پر حملہ کردیا
دی بلوچستان پوسٹ ویب ڈیسک کو موصول ہونے والی اطلاعات کے مطابق جھاؤ کے علاقے ملائی گزی میں قائم فورسز کی چوکی پر نامعلوم مسلح افراد کی جانب سے حملہ کیا گیا۔
علاقائی ذرائع کے مطابق گزشتہ رات نامعلوم مسلح افراد نے راکٹوں اور خودکار ہتھیاروں سے چوکی کو نشانہ بنایا، حملے میں فورسز کو جانی و مالی نقصان اٹھانے کا خدشہ ظاہر کیا جارہا ہے۔
واضح رہے اس سے قبل بھی جھاؤ سمیت ضلع آواران کے دیگر علاقوں میں مسلح افراد کی جانب سے فورسز پر حملے ہوتے رہے ہیں ۔
تاہم گزشتہ رات ہونے والے حملے کی ذمہ داری تاحال کسی تنظیم نے قبول نہیں کی ہے۔
