بلوچ راج وتی ھستی ءِ منانک ءَ بدنت
حنیف بلوچ
دی بلوچستان پوسٹ
زندگیں چاگرد ءِ تہا ہر چیز ءِ پُشت ءَ بوؤکیں نپ ءُ سیت ءُ تاوانانی بابت ءَ جیڑگ بیت ہمک گامیج پہ باندات ءِ آسراتی ءَ زورگ بیت کہ منی مرچیگیں جھد ءِ رورد پہ من باندا چے بہ بنت بلے مرچی کہ وتی بلوچ چاگرد ءِ سرا چمشانک دیاں گُڈا عجب گندگ ءَ کئیت ما ایشی ءَ بے سمائی بہ گُشاں؟ وت کوشی بہ گُشاں ؟ یا کہ وتی راجی بد بھتی ءُ گُلامی ءِ سانکلانی مُہر ءُ مہکمی کہ ما انگت چریشاں وت ءَ اُلسی رنگ ءَ گیشینگ ءِ جُھدءَ نہ کناں ہمے گپاں کہ ما جیڑاں گُڈا وتی مہلوک ءَ اَھمک بُگشیں رد نہ بیت کہ اھمکی ءِ مستریں اِلت ھمیش اِنت کہ ھمک پنچ سال ءِ سرا ردیئگ بوھگ ءَ اِنت بنداتی آسراتیاں چے انگت زبہر اِنت پہ ورگ ءَ ترمپے آپ نہ گندئے جان سلامتی ، وانگ ءُ زانگ ءِ آسراتیاں چے تئی چُک ءُ پد ریچ زبھر اَنت مرچی تئ وانگجاہ تی گس زھگ ءُ زالبول کماش کس پشت نہ کپتگ چوشیں میتگ ءُ گس نیست کہ دژمن ءَ وتی سوگاتے گرانھادیں لاش ءِ درور ءَ راہ نداتگ اَنت بلے بلوچ ءُ بَد روچی ءِ نشان اِنت بلوچ ءَ پہ سما ءُ بے سمائی ھُجّ کُتگ کہ ھما مُردمانی پدءُ رنداں روان اِنت ءُ ہمے مردمانی پُشت ءَ پہ وت پناھے شوھازگ ءَ اِنت۔یک ملکے وتی جند ءَ پہازت نہ کنت ترا چون پہازیت البتہ پنجاب ءِ لُٹ ءُ پُلانی واستہ تو وتا ءُ وتی راجی زندمان ءِ ھستی ءَ زوال کنگ ءُ باھینگ ءِ جُھد ءَ گُلائیش ئے۔
ھمے بلوچ کنڈیڈیٹ اَنت ھمش آں سمانیست کہ پاکستان ءِ جندے تہابلوچستان ءَ یل کن چار ءُ پنچ سیاسی پارٹی ھست کہ انچو پہ نام سیاست ءُ جمہوریئت ءِ گپ ءَ کن اَنت ھر ھمک ءِ وتی لیکہے ءُ پیپلزپارٹی گُشیت روٹی کپڑا مکان نیشنلزم ئے گپ ءَ کنت۔ مسلم لیگ نوازشریف۔ گشیت کہ پاکستان ءَ من ایشیا ءِ ٹائیگر ملک جوڈ کناں۔ عمراخان ءِ تحریکِ اِنصاف گشیت۔نیاپاکستان بناؤنگا جمعیت ولاکاینت اسلامی شریعت نافذ کرینگے۔سوشلسٹ ءُ کمیونسٹ باریں دیگہ چُنت پارٹی ءُ آزاد امید وار ھست آھانی گپاں ارزشت نیست۔ پر چہ کہ پاکستان ءِ سرجمیں سیاست گوں عسکری کاراں ھوار فوج ءُ آئی ایس آئی ءِ چیر دستی ءَ بنت ءُ سرجمیں کارانی تہا فوج ءُ آئی اِس آئیءِ وتی کردار اِنت بزان دُنیا ءِ ایندگہ ملک آں پہ وتی دیمروئی ءُ مانزمانی ءَ پہ یک فوج ئے ٹاھینتگ بلے پاکستان ءِ فوج ہما فوج اِنت ایشی ءَ را پہ وتی چُک ءُ پد ریچانی دیمروئی ءُ دُنیا ءِ توک ءَ دھشت پیداک کنگ ءِ واستہ ایشی ءَ یک مُلک ئے است چونیں مُلکے؟ یک انچیں مُلکے آئی ءِ ھچ رنگیں فطری سرشتے نیست بلکیں چار جتائیں وحدت اَنت کہ ھر یکے ءِ یک جتائیں تاریخی ءُ ثقافتی پُشدرے ایشانی تھاھچ رنگیں سیاسی ءُ ثقافتی یگانگت ءُ ہمرنگی نیست چرے وحدت آں یکے بلوچستان اِنت کہ ایشی ءَ را پہ زور قبضہ کنگ بوتگ۔
ہمے فوج دفاعِ پاکستان ءِ نام ءَ زیکیں روچ ءَ ذولفقاربھٹو ءَ پاھو دنت مرچی نواز شریف ءَ جیل ءَ بند کنت دفاعِ پاکستان ءِ نام ءَ عدالت ءُ پارلیمنٹ ءَبگر تاں جہل ءَ اسکولے ءِ چپراسی ءَ داں سرجمیں کارانی تہا ھوار اِنت ءُ دفاعِ پاکستان ءِنعرہ ءَ کشیت درستیں سیاسی پارٹی کہ پاکستان ءِ تہا تہی جیڈھانی سرا گپ کُت مکن اَنت رسانکدر جہان ءِ کجام جاہ ءَ بند ءُ گرفت اَنت بلے دفاعِ پاکستان کہ بیت کُلیں مہلوک ءِ زبان تِرْک جتگ گڈا اے ملک ءِ تہا بلوچ وتی آکبت ءَ چوں ندارہ بکنت۔
مرچی بلوچ ءَ گس پہ نام ءَ نیست وانگجاہ بجلی آپ ءُ ایندگہ ھمک آسراتیاں بےبہر اِنت ءُ پدا ھما چِہرگ کہ زیکیں روچ ءَ تی لوگ ءِ ماندارگ ءَ گون بوتگاں تئی اگاں نہ بلے تئی ھمساھگ ءِ گس ھمیشاں سوتکگ تئی بلوچ زھگ ءُ زالبولانی لاش ماں گیاباناں دست کپ اَنت کسان سالیں فاطمہ ءَ جنت یاسمین ءَ تئی چمانی دیم ءَ شھید کنت بلوچ ورناہانی لاش کہ تئی کش ءُ پہناتاں زمین ءِ باھوٹ اَنت کے کتگ اَنت اِشانی زمہ وار کے اِنت۔ ھوش کن اِت بلوچاں بلوچ آجوی ءِ جہد ءَ کمک بکن اِت کہ ورناہاں وتی سالونکیں سرانی دیمونی پہ شمے آکبت ءِ آسودگی ءُ وشہالیں زند ءِ واستہ داتگ۔
وؤٹ پِنڈوکاں پہ شما آکبت نیست ءُ نہ کہ تئی آبرو ءَ پہاز اَنت اِشانی زیکیں سرجمیں داستان مےشمے چمانی دیم ءَ نکش اَنت وتی چمانی میم آں پچ کن اِت ھورت بچار اِت کہ شمے باندات گوں کے بندوک اِنت کے اِنت کہ وتی شریک ءُ شپانک ءُ وتی ماس ءُ گہارانی لج ءَ پہازیت ءُ سُہرکُپیں تیراں وتی دلبند ءَ ساریت۔شمے زندگی شمے راجی جہدکارانی امانت اِنت وت ءَ چے لگور ءُ مکاریں وت ساچاں دور بہ دار اِت شمے جند ءَ ایشانی گورا ارزشت نیست شمے ووٹان ارزشت ھست بلے پہ بلوچ راج پہازاں تئی جند تئی زھگ ماس ءُ گہار کسانسالیں ورناہاں ارزشت ھست پمشکہ چہ زند ءِ ھمک وشیاں وت ءَ بےبہر کتگ اش تئی آکبت ءَ نزارگ ءَ اَنت وتی شہیداں پراموش مکن راج پہ مرگ ھلاس نہ بنت بے سریں کرد ترا چہ وتی جند ءَ جتاکنت پدا رند ءَ مہ جیڑ کہ من شر نہ کُت بلے بوت۔ امیت کناں منی راج وتی آکبت پہازیں جنز ءِ سنگتانی ھمراہداری ءَ کنت ءُ وتی ھستی ءِ منانک ءَ دنت ءُ گچین کاری ءِ سِلکاریں مردماں چے وت ءَ گستاہ دار اَنت۔
بلوچستان آجو بات
