تاریخ نا پنہ غاک

(چانڑدہ میکو بشخ) 

نوشت : محبوب شاہ

دی بلوچستان پوسٹ – براہوئی کالم

سینزدہمیکو بشخ

دا معاہدہ 13جون 1899ء اٹی ٹیلی گراف لائن کن میر محمد بن بہرام خان کلمتی نا ماراتون پسنی ٹی مسوسُس۔
کل آن مُست دا لائن نا زمواری کنا ایلم میر سخی نا دوٹی ئسکہ، گڑا و جہان ٹی افک، ہندا سوب آن اونا جاگہ غا ای میر محمد ، میر بہرام نا مار، کہ پسنی نا حکمران و خواجہ اُٹ دا لائن نا زمواری ءِ ہرفوہ۔ ہراکہ پسنی سیم انا خڑک آن گدرینگک۔ ای قول کیوہ کہ ہرا معاہدہ کنا باوہ ایلم تون کننگاسُس، ای ہندا معاہدہ نا تابع و پاسدار مروٹ۔ و ای دا خواست کیوہ کہ ہرا مالیت کہ اوفتے دو بسکہ اوفک ہندا وڑ اٹ کنے ہم رسینگسا کرور۔ و ای دا ہم قول کیوہ کہ دا لائن نا رکھ اکن پسی نا ہد و اویل اٹ دا لائن نا ہر وڑ انا نسخان نا ای زموار مروٹ۔
ہندا سوب آن ای دا اقرار نامہءِ نما پارہ غا مون تننگ اُٹ۔

دستخط مہر
میر محمد خان
شاہد: ملا خدائیداد، ملامحمد، میر علی، میر عبدالکریم

1899ء اٹی خان آف قلات میر محمد خان GCCتون انری ولک (Henry Wylic)اے جی جی آف بلوچستان نا نیام اٹ پوسکن آ وائسرائے نا معاہدہ:
دا معاہدہ 1جولائی 1899ء اٹی قلات اٹ مسوسُس، دا معاہدہ اصل اٹ آزموندئی وَڑ اٹ مسوسُس، انتئے کہ ہمو وخت آزموندہ ہڑتوم آ فریق خان محمود خان و برٹش حکومت کن فائدہ نا سوب ئسکہ، انتئے کہ او تینا نیابت و ضلع غاتا دنکہ نوشکے و ایلو ضلع غاتے برٹش حکومت نا ہمو افسر نا دوٹی تسکہ، ہراکہ چاہندار اس ئسکہ ہندا خاطر آن دا معاہدہ کننگاسُس، ہرافتے کہ دا وڑ اٹ بیان کننگانے:
’’میر محمد خان تینا ساڑی گری ٹی تینا جانشین آتا جاگہ غا دا معاہدہ ءِ منا، و اینو آن ضلع نوشکے و اونا کل ءِ نیابت آتیا اونا سیم آک اونا مالیات، اونا علاقائی کل ءِ حالیت آتیا پورو ڑ اٹ کل واکداریک 1جولائی 1899ء آن برٹش حکومت نا دوٹی تننگانو، ولے گڑاس شڑت آتا بنداؤ آ ہراکہ دا وڑ و ڈَول اٹی ءُ:
۱۔ ہمو ضلع و اونا نیابت نا کل ءِ ادارہ غاتا وڑ و ڈَول و واکداریک برٹش حکومت نا گچین کروک آ افسر نا حکمرانی ٹی مرور۔
۲۔ برٹش حکومت ءِ 1ستمبر 1899ء آن اسہ مالیاتی ءُ بجٹ اس ہراکہ ہر سال خان ءِ دا نیابت و ضلع غاتا مون اٹ تننگک، ہرافتا مالیات زرّ 90000روپئی مرو ء ہراکہ خان قلات نا حق جوڑ مریک اودے دا زرّ ہر سال ہندا تو اٹ تننگک، ہمو وخت اسکان کہ دا معاہدہ برجا سلوءِ۔
۳۔ دا زرّ ئنا مالیات 90000/-روپئی ءِ پدریسہ خان قلات ءِ رسینگسا کیک۔

دستخط
میر محمود خان آف قلات
H.Whylic colonal egg of Balochistan Curzom
Vicerog and governar general of india
دا معاہدہ شملہ ٹی انڈین حکومت ءِ 18جولائی 1899ء ٹی راہی کننگاسس
H.S.Barnes
Secy to the govt: of india in forien departement

لسبیلہ معاہدہ ہراکہ میر کمال خان تون 1901ء اٹ کننگاسُس:
ای است ئنا ہُب اٹ وائسرائے، گورنر جنرل و ہمو بندغ آتا منتوار اُٹ ہراکہ کنے وکنا حکومت ءِ چلینگ وار خواہی تسر و ای میر کمال خان معاہدہ ءِ امنا کیوہ ہرادے کہ A.G.Gداسہ کنا مونا خواناسُس ہراکہ لس و حکومت ہڑتوم آتیکن جوان ءِ، دانا اہم انگا ٹِک آک دا وڑ اٹی ءُ:
ای مدام لسبیلہ نا معاملہ و ویل آتے A.G.Gنا سلاہ سوج آن پد کیوہ۔
ارٹمیکو شرت:
ای اسہ وزیر اس، ہرانا گچین کاری ءِ A.G.Gتینٹ کیک اودے ادارہ غاتا خواجئی ءِ ایتوہ و ادارہی کاریم تے اونا موکل آن بیدس کپرہ۔
مسٹمیکو شرت:
A.G.Gنا پاننگ آن بیدس ای ہچ وڑ انا حکومتی یا دارہی بدلی کپرہ، و ریاست اٹ پوسکن ءُ خراج خلپرہ کس اسے پاہو تننگ یا کس ءِ سزائے موت آن مست A.G.Gءِ کل ءِ حالیت و فیصلہ غاتا بارواٹ معلومدار کیوہ۔
چارمیکو شرت:
ای ہندا کل مالیات آتا پاسداری ءِ کیوہ۔ ہراکہ لسبیلہ نا ریاست ءِ چلیفنگ نا مون اٹ کنے کنا لمہ باوہ ءِ و جنوزان تے کن تننگک، و ہر وڑانا پوسکن آ عہدہ کن مہالو A.G.Gنا سلاہ ءِ مونا آ تخوہ ولدا مون مستی کاوہ۔
دستخط
میر کمال خان
جام آف لسبیلہ
دا معاہدہ 25مئی 1901ء اٹ کننگاسُس۔

1903ء اٹ میر محمود خان، خان آف قلات اے جی جی آف بلوچستان ایلو پارہ غا وائسرائے و گورنر جنرل کونسل تون معاہدہ:
دا معاہدہ سبی ٹی 17فروری 1903ء اٹ کننگاسُس:

۱۔ دا معاہدہ ہڑتوم آ فریق آتا اسیجائی فائدہ ءِ اُرسا کننگاسس ہراکہ برٹش حکومت و بیگل بیگی خان آف قلات میر مھمود خان نا نیام اٹ کننگاسُس ، دا معاہدہ نصیر آباد و نیابت آتا انتظامی معاملہ غاتیا برٹش حکومت نا افسر آتے تخنگ کن کننگاسُس، ہراکہ دا شڑت آتا بنداؤ آ منظور مسوسُس:
۲۔ کہ میر محمود خان آف قلات نا کماشی ٹی اوتینا جانشین آتا اواری ٹی دا معاہدہ ءِ امنا کیک کہ اینو آن پد ضلع نصیر آباد و اونا نیابت آتا کل ءِ واگ آگ ، حساب کتاب اونا سیمک اونا مالیات اونا علاقائی کل ءِ معاملہ غاک و لیویز تینا کاتیم اٹ اتوک حق و واکداری تے ہمونا دوٹی ترو، ہرافتا گچین کاری ءِ برٹش حکومت کیک۔
۳۔ ہرا وڑ کہ پاننگاسُس کہ ادارہ و نیابت آتا خیال و خیالداری برٹش حکومت نا زمواری مریک و ہندا کاریم کن او افسر گچین کیک ہراکہ گورنر جنرل کونسل مریک اولیکو دے یعنی اپریل 1903ء بروک آ تاریخ اسکان مننگ کیک کہ انڈین گورنمنٹ داڑا کوزہ کے۔
۴۔ دا کاریم نا مون اٹ برٹش حکومت اولیکو سال آن خان آف قلات ءِ اسہ پن کروکءُ زرّ اس سال انا مالیت نا پن اٹ 1904ء آن تننگ نا بنا ءِ کیک، دانا مالیت سال انا 5000/-روپئی مرو ءِ۔
۵۔ دا زرّ بیدس پرخ آن خانءِ رسینگک، نصیر آباد نا نیابت نا ہراکہ داسہ نا علاقہ ءِ اودے خان قلات نا نائب غوث بخش جولائی 1902ء اٹ سیم بندی کریسُس ہراکہ دا وڑ اٹی ءِ:
دانا سویل اٹ سندھ انا سیم و جہاندم اٹ دے ٹِکی علاقہ غاک دنکہ لانی برج (Laniburj)پاننگک ہراکہ سویل نا پارہ غان مزاری سیم آن کوہِ بگٹی تو لگک ولدا مون آ ہنسا دیکی نا پارہ غا تینا خرک انا ٹِک شاپور روڈ آن ہراکہ مناک (Manak)نا خڑک نا گاری نالہ (Gari nallah)تون لگک و داکان دا کسر مولہ غان ہنداکہ در مرے، شاپور اوکان پد شاپور روڈ آن سویل نا پارہ غا Dechattenنا ڈغار تون لگک، ہرافتے کہ (Dodaik)پارہ و پد آن ریکی نا سیم ہراکہ دودکی آن ’نوراڈور‘ آن گدرینگک، ہراکان دیر رسینگک، ہندا ڈور مون آ ہنسا نورا غان در محمد ہرادے کہ بھاز نقش و نگار اٹ نوشتہ کرینو، ہراکہ بنداوی وڑ اٹ اسہ ریک اسے و داکان در محمد آن سیدھا ہنسا دیکی و جہاندمی دیکی ریلوے آن گدرینگسا 368میل اسکان کاہک، پنچ میل سویل نا پارہ غا جٹ پٹ اسٹیشن نا پارہ غا ہمو وخت اسکان ہراوخت اسکان ہمو جاگہ نا تمبہ غاتون ملپ ہراکہ چار سال مست مگسی و جمالی تا سیم پاننگاکہ دا لائن سویل پارہ غا سندھی سیم آن گدرینگسا 500میل مردیکی نا پارہ غا سن ویب (Sonwab)اسکان ختم مریک۔

اگہ خوڑت اوننگے ہر شیف انا بشخ ہراکہ منجوتی (Manjuti)نا ڈغار آتیان گدرینگسا سدھا ہمو جاگہ غا رسینگک ہراڑے کہ در محمد ریلوے نا کم ووَد 368میل مرجیکب آباد و شاپور روڈ آن 8میل جہاندم نا پارہ غا در محمد روڈ آن جتا مریک۔ داڑے اسہ زمانہ سے ٹی کشت کشار نا کاریم ہم مسکہ۔ انتئے کہ خان قلات و اونا جانشین آک تینٹ دا علاقہ ءِ برٹش حکومت ءِ تسوسر۔ ہندن نصیر آباد نا نیابت ءِ ہم خان قلات برٹش حکومت ءِ تس۔ دانا مون اٹ برٹش حکومت خان قلات تون سال انا 2500/-تننگ نا معاہدہ ہم کریسُس، ایلو خڑچ آتے اوار کریسر و دا زرّ انا جم کچ 17500/-روپئی جوڑ مسکہ۔ ہراکہ اولیکو دے 1اپریل 1903ء آ تروئی ءِ۔
دا معاہدہ ٹی دا فیصلہ ہم مس کہ اگہ نصیر آباد نا علاقہ غاتیٹی برٹش حکومت ءِ ہراڑے کہ خالی ءُ ڈغار اس دو بس تو ہندا معاہدہ نا وڑ و ڈول اٹ برٹش حکومت ہمو وڑ کاریم کننگ کیک و دا ڈغارتے گنداری و لہراک نا نیابت آتیان دیر ترسا کیک۔
دستخط مہر
محمود خان
Ches. E. gate carnal
A.G.G of Balochistan
curzon
Viceroy and A.G.G
India
دا معاہدہ خان قلات و وائسرائے گورنر جنرل انڈیا نا نیام اٹ شملہ ٹی 14مئی 1903ء اٹ مسوسُس ہراڑے کہ LOuisw.daneہم اوار ئس۔

(برجا ءِ۔۔۔۔۔۔)