اوستہ محمد میں ایک شخص نے غیرت کے نام پر اپنی بیوی کو قتل کردیا
دی بلوچستان پوسٹ ویب ڈیسک کو موصول ہونے والی اطلاعات کے مطابق اوستہ محمد میں ایک شخص نے غیرت کے نام پر اپنی بیوی اور اس کے مبینہ آشنا کو فائرنگ کر کے قتل کردیا.
تفصیلات کے مطابق اوستہ محمد کے نواحی گاؤں اعجاز احمد لہڑی میں ایوب سولنگی نامی شخص نے فائرنگ کر کے اپنی بیوی رشیدہ اور اس کے مبینہ آشنا مجاہد لاشاری کو قتل کردیا اور خود موقع واردات سے فرار ہوگیا.
اطلاعات کے مطابق فائرنگ کی زد میں آکر ایک شخص یاسین لاشاری شدید زخمی ہوگیا جبکہ مقامی پولیس نے مقتولین کی نعشیں سول ہسپتال پہنچاکر ضروری کاروائی کے بعد ان کے ورثاء کے حوالے کردیں جبکہ زخمی کو طبعی امداد دی جارہی ہے.
پولیس ذرائع کے مطابق ملزم کی تلاش جاری ہے.
