انتخابی امیدواروں پر حملوں کا خدشہ ہے
دی بلوچستان پوسٹ نیوز ڈیسک رپورٹ کے مطابق اسپیشل سیکرٹری داخلہ رضوان ملک نے کہا ہے عام انتخابات کے دوران امیدواروں پر مسلح گروپس کی جانب سے حملے ہوسکتے ہیں ۔
انہوں نے مزید کہا کہ بعض ممالک کی طرف سے بھی انتخابات کو سبو تاژ کرنے کے خدشات موجود ہیں ۔
اسپیشل سیکرٹری داخلہ رضوان ملک نے سینیٹ کی قائمہ کمیٹی داخلہ کوبتایا کہ انتخابات کےدوران 3 سیسنا جہاز سکیورٹی کیلئے ہمہ وقت موجودہوں گے، رینجرز ا ور مختلف صوبوں کی کانسٹیبلریز کاکردارسب سے اہم ہوگا ،صوبوں کے درمیان اعلیٰ سطح پر روابط کیلئے وزیراعظم ہاؤس اور کابینہ ڈویژن کوخطوط لکھے ہیں ، کو آرڈی نیشن کمیٹی کی سربراہی سیکرٹری داخلہ کریں گے۔
ان کاکہنا تھا کہ ایف آئی اے کاکردار امیدواروں کے کاغذات نامزدگیاں جمع ہونے تک تھا۔
واضح رہے کہ بلوچستان میں سرگرم مسلح تنظیموں نے بھی پاکستانی انتخابات سے لوگوں کو دور رہنے کی ہدایت جاری کرتے ہوئے کہا ہے کہ وہ کسی بھی وقت کسی بھی مقام پر حملے کرسکتے ہیں ۔
گذشتہ روز بھی بلوچستان کے علاقے بلیدہ میں انتخابی امیدوار ظہور بلیدی کے گھر پر حملہ ہوا ، جس کے بعد فورسز کی ایک بڑی تعداد موقع پر پہنچ کر ظہور بلیدی کو کانوائے کی صورت میں دوسری جگہ منتقل کردی ۔
