بلوچستان لبریشن فرنٹ کے ترجمان گہرام بلوچ نے نامعلوم مقام سے سیٹلائٹ فون کے ذریعے کہا ہے کہ 13 مئی اتوار کی شام کو سرمچاروں نے ضلع کیچ میں ہوشاب کے علاقے گونڈ سرین میں فوجی کیمپ پر راکٹ اور خود کار بھاری ہتھیاروں سے حملہ کیا۔ حملے میں قابض فوج کو بھاری جانی و مالی نقصان اْٹھانا پڑا ہے۔
ترجمان نے مزید کہا کہ یہ کیمپ چائنا پاکستان اکنامک کوریڈور (سی پیک) منصوبے کی روٹ پر عسکری تعمیراتی کمپنی فرنٹیر ورکس آرگنائزیشن (ایف ڈبلیو او) کی حفاظت کیلئے قائم کی گئی ہے۔ فوجی آپریشنوں کی وجہ سے ان علاقوں سے ہزاروں خاندان ہجرت پر مجبور کئے گئے ہیں جو مختلف علاقوں میں کسمپرسی کی زندگی گزار رہے ہیں۔
