دی بلوچستان پوسٹ ویب ڈیسک کو موصول ہونے والی اطلاعات کے مطابق کراچی کے علاقے لیاری سے نامعلوم افراد نے عمران بلوچ نامی شخص کو اغواء کرلیا.
تفصیلات کے مطابق جمعرات کی صبح دس بجے عمران بلوچ اس وقت اغواء کیا گیا تھا جب وہ سول ہسپتال کے حدود میں لوہا مارکیٹ میں حسبِ معمول مزدوری کے غرض سے موجود تھا.
علاقائی ذرائع کے مطابق لیاری کے علاقے دھوبی گھاٹ کے رہائشی عمران بلوچ کو اغواء کرنے والے جس گاڑی میں آئے تھے وہ کراچی پولیس کے استعمال میں ہوتی ہے-
عمران بلوچ پیشے کے اعتبار سے ایک سوزوکی ڈرائیور ہے، جو گاڑی چلاکر اپنے گھر کو چلاتا ہے-
عمران کے خاندان کے افراد کی جانب سے کراچی پریس کلب کے ان کے بازیابی کے لئے احتجاجی مظاہرہ کیا گیا-
