بلوچستان لبریشن فرنٹ کے سینئرکمانڈراستاد واحد قمبر بلوچ نے اپنے ایک بیان میں یو بی اے اور بی ایل اے کے درمیان مفاہمت اور کشیدگی ختم کرنے کے فیصلے کو سراہتے ہوئے کہاہے کہ دونوں تنظیموں کا فیصلہ دانشمندانہ اور بہترین نوید ہے جس پر میں انہیں مبارکباد دیتاہوں ۔
استاد واحد قمبر بلوچ نے کہاکہ یوبی اے اور بی ایل اے کے درمیان دیرینہ تنازعہ اورکشیدگی ایک نقصان دہ عمل تھا جس کے تحریک پر منفی اثرات پڑے لیکن تحریک کے خیرخواہوں اور دوستوں کے محنت اور دونوں تنظیموں کی قیادت نے مثبت سوچ اپناکر تمام رنجشوں کو مٹاکر دانشمندی کا مظاہرہ کیاہے ۔
انہوں نے مزید کہاکہ بلوچ قومی تحریک میں مثبت سوچ کی فروغ اور آپسی قربت اورہمکاری وقت کا بڑا تقاضا ہے جس پر غور و فکر کرنا تمام تنظیموں کا اولین فریضہ ہے اُمید ہے کہ دونوں تنظیموں کی قیادت اس عمل کو مثبت طرز فکر کے ساتھ آگے بڑھائیں گے ۔
