دی بلوچستان پوسٹ سوشل میڈیا نمائیندے کے مطابق بلوچ نیشنل موومنٹ کے چیئرمین خلیل بلوچ نے سماجی رابطے کے ویب سائٹ ٹوئیٹر پر بلوچ ریبلکن پارٹی کے سربراہ براہمداغ بگٹی کے موقف جس میں انہوں نے 27 مارچ 1948 کو پورے بلوچستان پر قبضے کے دن کے حیثیت سے تسلیم کرنے سے انکار کیا تھا کے ردعمل میں کہا ہے کہ گذشتہ 70 سالوں میں یہ پہلی دفعہ ہوا ہے کہ ایک بلوچ قوم پرست بلوچستان پر پاکستانی قبضے کو تسلیم کررہا ہے۔
It’s for the first time in the last 70 years that a Baloch nationalist is trying to undermine Pakistan’s occupation of Balochistan. It’s paramount to shaming Shaheed Akbar Bugti’s legacy. https://t.co/YnVTX7hsI7
— KHALIL BALOCH (@ChairmanKhalil) March 27, 2018
خلیل بلوچ نے مزید کہا کہ یہ عمل شہید نواب اکبر خان بگٹی کے ورثے کو شرمانے کے مترادف ہے، یاد رہے آج براہمدغ بگٹی نے اپنے مختلف ٹوئیٹ پیغامات میں کہا تھا کہ انکی پارٹی بلوچ ریپبلکن پارٹی 27 مارچ 1948 کو بلوچستان پر قبضے کے دن کےحیثیت سے تسلیم کرنے سے انکار کرتی ہے، اس دن محض قلات پر قبضہ ہوا تھا جبکہ باقی بلوچستان اپنی رضا سے پاکستان میں شامل ہوا تھا۔
