بلوچ ڈاکٹرز فورم کے ترجمان نے اپنے بیان میں ڈبلیو ایچ او میں ایچ آر ایم سی اور پولیو ایریڈیکشن آفیسر کیلئے نان ٹیکنیکل افراد کے چناؤ پر سخت تشویش کا اظہار کرتے ہوئے کہا کہ پاکستان میں پولیو جیسے مرض کے خاتمے کیلئے ضروری ہے کہ ان جگہوں پر ڈاکٹروں کو تعینات کیا جائے۔
بلوچستان میں پولیو کے کیسز پچھلے سال آنا اس بات کی نشاندہی کرتا ہے کہ بلوچستان میں اس حوالے سے کوششیں کم کی جا چکی ہیں اور ہم سمجھتے کہ یہ ڈاکٹروں کے بجائے نان ٹیکنیکل افراد کی تعیناتی سرا سر غلط ہے اور اسکی جتنی بھی مذمت کی جائے کم ہے۔
ترجمان نے کہا کہ ملک کو پولیو فری کرنے کیلئے اداروں کو چاہیے کہ اس طرح کی پوزیشن پر ٹکینکل بندے تعینات کریں اورہم ڈبلیو ایچ او سے اس فیصلے پر نظرثانی کر کے فوری اس فیصلے کو ختم کرنے کا مطالبہ کرتے ہیں۔
