لندن ورلڈ بلوچ آرگنائزیشن کے آرگنائزر میر جاوید مینگل نے بلوچ رہنماء ڈاکٹر اللہ نزر بلوچ کی والدہ ماجدہ کی وفات پر تعزیت کا اظہار کرتے ہوئے کہا ہیکہ اللہ تعالٰی مرحومہ کی مغفرت کرے اور اُنھیں جنت الفردوس میں اعلٰی مقام عطاء فرمائے اور اُن کی پسماندگان کو صبر جمعیل کی توفیق عطاء فرمائے۔
میر جاوید مینگل نے کہا کہ مرحومہ نے بلوچ قومی آزادی کی تحریک میں بہت سے دکھ اور غم جھیلا اُنہوں نے گل زمین بلوچستان کی آزادی کے لئے اپنے دو فرزندوں سمیت پوتوں اور نواسوں کو شہید ہوتے ہوئے دیکھا لیکن کھبی بھی اُنکی پایہ استقامت میں لرزش نہیں آئی ایسی ماوں کی عزم و حوصلوں نے آج دشمن کو گھٹنے ٹیکنے پر مجبور کیا ہے۔
میر جاوید مینگل نے کہا کہ جب تک ایسی بہادر مائیں ہوں تب تک دنیا کی کوئی طاقت بلوچ قوم کو شکست نہیں دے سکتی۔
