بلوچستان لبریشن فرنٹ کے ترجمان گہرام بلوچ نے نامعلوم مقام سے فون کے ذریعے بات کرتے ہوئے کہا کہ سرمچاروں نے کل اتوار کے روز مشکے میں فوجی ہیڈ کوارٹرپر بی ایم بارہ راکٹوں سے حملہ کیا، جس میں قابض فوج کو بھاری جانی و مالی نقصان ہوا ہے۔ یہ فوجی ہیڈکوارٹر مشکے انٹرکالج پر قبضہ کرکے قائم کی گئی ہے۔
مشکے انٹرکالج عین سول آبادی میں ہے۔ اس پر قبضہ کا مقصد عوام کو جنگی ڈھال کے طور پر استعمال کرناہے۔ یہ پاکستانی فوج کی شکست کا ایک ثبوت ہے۔ مشکے کی اکثریتی آبادی کو فوج نے زبردستی بے دخل کی ہے مگر فوجی ہیڈ کوارٹر کے قریب آبادی کو دانستہ، زبردستی اور جنگی ڈھال کے طور پر استعمال کرنے کیلئے روکا ہوا ہے۔ اب عوام کا فرض بنتا ہے کہ وہ اپنی تحفظ کیلئے پاکستانی فوج سے سوال کرے کہ کس اصول و ضوابط کے تحت کالج پر قبضہ کیا گیا ہے اور عام آبادی کے درمیان ایک ہیڈکوارٹر وچھاؤنی بنائی ہے۔
ہمیں خدشہ ہے کہ سرمچاروں کے حملوں کے بعد قابض فوج عام آبادی کو نشانہ بناکر اسے ہمارے خلاف استعمال کرنے کی کوشش کرے گی۔ باشعور عوام کو یہ حق حاصل ہے کہ فوج کو اصولوں کے مطابق عام آبادی سے دور رکھے۔
