نیویارک میں ایمرجنسی حکام کا کہنا ہے کہ پیر کی صبح مین ہیٹن کے علاقے میں 42 سٹریٹ اور آٹھویں ایوینو کے سنگم پر واقع ایک مصروف اڈے پر دھماکہ ہوا ہے۔
برطانوی خبر رساں ادارے روئٹرز نے مقامی ذرائع ابلاغ کے حوالے سے اطلاع دی ہے کہ پولیس نے ایک مشتبہ شخص کو گرفتار بھی کر لیا ہے۔
مقامی ذرائع ابلاغ پر نشر ہونے والی تازہ ترین اطلاعات کے مطابق دھماکہ ایک پائپ بم سے کیا گیا اور حراست میں لیے جانے والے شخص سے ایک اور پائپ بم برآمد کر لیا گیا ہے۔
اس واقعہ میں کچھ شہریوں کے زخمی ہونے کی اطلاعات بھی ہیں۔
دھماکے کی آواز سنے جانے کے بعد شہر میں زیر زمین چلنے والے کچھ ٹرینوں کو بھی خالی کرالیا گیا تھا۔
