بلوچستان لبریشن فرنٹ کے ترجمان گہرام بلوچ نے میڈیا سے بات کرتے ہوئے کہا کہ پہیہ جام ہڑتال کی خلاف ورزی کرنے والے ایک ٹرالر کو مند میں نشانہ بنا کر انکے ٹائر برسٹ کیے
اتوار کے روز مند میں سرمچاروں نے شہریوں و ٹرانسپوٹرز کو ہڑتال حوالے آگاہی دی جبکہ قابض فورسز نے مند ہی میں ٹرانسپوٹرز کو دھمکی دیکر دفاتر کھولنے کی کوشش کی۔ دفاتر نہ کھولنے پر انہیں اٹھا کر آرمی کیمپ لے جایاگیا۔
دشت مند روڈ اورمچات کے مقام پر سرمچاروں نے گشت کیا اور ہڑتال کی خلاف ورزی پر ایک گاڑی کے ٹائروں کو نقصان پہنچایا۔
اسی طرح بلیدہ،پروم ،بیسیمہ،خاران میں بھی گاڑی مالکان کو ہڑتال کے بارے میں آگاہی دی ،جو کراچی سے کمسن بلوچوں کی فورسز کے ہاتھوں اغوا کے خلاف بی این ایف کی جانب سے دی گئی اور بی ایل ایف سمیت دوسرے آزادی پسندوں نے اس کی حمایت کی ہے۔
گہرام بلوچ نے کہا کہ ہم قوم سے اپیل کرتے ہیں کہ 8 سال سے سولہ سال کے اسکول بچوں سمیت دوسرے طلباء کی بازیابی کے لیے انکا یہ قومی فریضہ ہے کہ وہ پہیہ جام ہڑتال کی کال کا احترام کریں۔ ایک بار پھر ٹرانسپوٹرز،گاڑی مالکان کو اپیل کرتے ہیں کہ وہ ہڑتال کی خلاف ورزی سے باز آئیں۔
