بلوچستان میں آزادی پسند مسلح تنظیموں کی جانب سے میڈیا بائیکاٹ کے بعد جہاں ایک طرف بلوچستان کے مختلف علاقوں میں گذشتہ دو ہفتے سے اخبارات کی ترسیل مکمل طور پر بند ہونے کے ساتھ ساتھ مختلف علاقوں میں پریس کلب بند ہوچکے ہیں اور ساتھ ہی پریس کلبوں سے منسلک صحافیوں نے باقاعدہ اعلامیہ جاری کرکے صحافتی سرگرمیاں معطل کردیا ہے ۔
اس تمام صورتحال کے باوجود آج کوئٹہ میں پرنٹ و الیکٹرانک میڈیا سے تعلق رکھنے والے صحافیوں نے آئی جی ایف سی کے دربار میں حاضری دے کر اپنی وفاداری کا اظہار کیا ۔
کوئٹہ پریس کلب سے منسلک ایک صحافی نے نام ظاہر نہ کرنے کی شرط پہ دی بلوچستان پوسٹ کو بتایا کہ آئی جی ایف سی دربار میں صحافیوں کی حالت قابل دید تھی ہر کوئی اپنی وفا داری ثابت کرنے کی کوشش کررہا تھا ۔
واضح رہے کہ صحافیوں کی اسی درباری رویوں اور طریقہ کی وجہ سے بلوچستان میں صحافت صرف حکومت وقت کی توصیف و ثناء تک محدود ہوکر رہ گئی ہے ۔
