بلوچستان لبریشن فرنٹ کے ترجمان گہرام بلوچ نے نامعلوم مقام سے سیٹلائٹ فون کے ذریعے کہا کہ جمعرات کے روز سرمچاروں نے ضلع کیچ میں تمپ کے علاقے آزیان میں پاکستانی فوج کی چوکی پر خودکار ہتھیاروں سے حملہ کرکے تین اہلکارکو ہلاک اور کئی زخمی کئے۔
جمعرات ہی کے روز ضلع آواران میں کولواہ کے علاقے کڈ اور بدرنگ کے درمیان کیچ سے آنے والی دس گاڑیوں کے قافلے پر بھاری ہتھیاروں سے حملہ کیا۔ تین گاڑیاں شدید حملے کی زد میں آئیں اور ان میں سوار کئی اہلکار ہلاک اور زخمی ہوئے ہیں۔
گہرام بلوچ نے کہا کہ گیارہ اکتوبر کو بلیدہ زعمران میں منشیات فروشوں پر حملہ کرکے منشیات، اسلحہ اور گاڑی قبضے میں لیکر ڈرائیوروں کو آخری وارننگ دیکر چھوڑ دیا۔ ڈرائیوروں کو تنبیہ کی گئی کہ وہ سماجی برائیوں میں ملوث ایسے مالکان کے ساتھ کام ترک کردیں۔بصورت دیگر وہ اپنے ذمہ داری خودہونگے۔
