نصیر آباد : فائرنگ سے دو خواتین سمیت تین افراد قتل

88

نصیر آباد اور آس پاس کے علاقوں میں آئے روز کاروکاری کا الزام لگا کر خواتین کو قتل کردیتے ہیں ۔

اطلاعات کے مطابق بلوچستان کے علاقے نصیر دو مختلف فائرنگ کے واقعات میں دو خاتون سمیت تین افراد کو قتل کردیا گیا ۔

فائرنگ کا پہلا واقعہ گوٹھ فرید خان میں پیش آیا جہاں  22 سالہ  غلام مصطفی اور 20 سالہ بختیار خاتون کو قتل کردیا گیا جبکہ دوسرا واقعہ گوٹھ غازی خان میں پیش آیا جہاں  30 سالہ گل بی بی کو فائرنگ کر کے قتل کر دیا گیا ۔

قتل کے واقعات کے بعد مقامی انتظامیہ موقع پر پہنچ گئی اور لاشوں کو ضلعی ہسپتال ڈیرہ مراد جمالی منتقل کر دیا ۔

ہسپتال میں ضروری کارروائی کے بعد میتوں کو ورثاء کے حوالے کردیا گیا ۔

مقامی پولیس انچارج سید حیدر شاہ نے دعوی کیا کہ ملزمان کی گرفتاری کے لئے کارروائی کا آغاز کردیا گیا ۔