میڈیکل طلباء و طالبات کی گرفتاریوں کی مذمت کرتے ہیں – وائی ڈی اے

70

ینگ ڈاکٹرز ایسوسی ایشن بلوچستان کے ترجمان ڈاکٹر رحیم خان بابر نے جاری کردہ ایک مذمتی بیان میں کہا گیا ہے کہ بارہا غیر جمہوری رویوں کو پروان چڑھاتے ہوئے صوبائی حکومت کی جانب سے بولان یونیورسٹی آف میڈیکل اینڈ ہیلتھ سائنسز کے طلباء و طالبات کی گرفتاریوں کی بھرپور مذمت کرتے ہیں۔

بیان میں کہا گیا ہے کہ پرامن احتجاجی طلباء و طالبات کے مسائل حل کرنے کے بجائے ان کی گرفتاریاں انتہائی قابل افسوس اور حکومتی ناکامی کا منہ بولتا ثبوت ہے۔

ینگ ڈاکٹرز ایسوسی ایشن بلوچستان کے ترجمان نے وزیر اعلی بلوچستان، صوبائی وزیر قانون، صوبائی سیکریٹری صحت سے پرزور مطالبہ کرتے ہوئے کہا کہ گرفتار طلباء و طالبات کی فی الفور رہائی اور ذمہ داران کی خلاف قانونی کاروائی عمل میں لائی جائیں۔