شون ادبی دیوان نا مجلس و محفل مشاعرہ

66

شون ادبی دیوان بلوچستان نا اجلاس اس قمبرانی روڈ محمد شاہ ٹاؤن آ نظام نزیری استا وتاخ اٹ اَڈ ہلک۔

دا مجلس اِرا بشخ اٹ اڈ تننگا، مجلس شون ادبی دیوان نا گچینا شاعر خواجہ حامد گل نا کماشی ٹی مس و دا مجلس نا مہمان خاص خواجہ سمیع گل بنگلزئی اسک اسُر۔ و اندن اعزازی مہمان تیٹ شون ادبی دیوان نا باسک پروفیسر ذاکر شاہ و عبدالحکیم زہری اسک اوار ئسر۔ مجلس اٹ ساڑی سنگت آک ایجنڈا تیا گپ و تران کریر۔ داگپ و تران اٹ بروکا بیست و یک فروری بولی تا جہانی دے نا رداٹ ہم گپ وترانکننگا۔

مجلس نا گڈ سر اٹ محفل مشاعرہ ہم مس، دا مشاعرہ شہید درمحمد پرکانی نا یات اٹ اڈ ہلک۔

مُشاعرہ نا بِناءِ کلام پاک آن مس ہرانا ثواب ءِ خواجہ حامد گُل دوئی کرے۔ اندُن سنگت آک غُٹ مشاعرہ ٹی تینا شاعری تے بِنفیر ہرافک دا رنگ ئٹی ءُ:

حسن سحر
دڑدس ایڑے تالان ءِ
جی جی کیوہ بولانءِ

مجیدارمانی
غمک کُنڈا ننا چِڑچِڑانو
اُست ولدا دڑدڑی مسونءِ

بلال بلوچ
دا ڈغار ہم کناءِ اِے ہم وا
لپ ہس کشار بلوچستان آن واہ

نجیب یاسین
گرم جوشی کنگ ملی تے داڑے
چکار میر و یاراک بگھی تے داڑے

حامد گل
نئے کہ بسُر دعاک کاریم اٹ
نئے کہ کاریم اٹی دواک ننا

اسحاق ناز
خننگ اٹ رنگے دنیا نا
اسل حیران مننگ اٹ

نظام نزیری
اِرا خنَٹ اگہ دا راجءِ پہو مفیسہ نی
مسٹمیکو خنے عقل ئنا نزیری مل

باقی بلوچ
دڑدءِ گیشترخناس
ٹکر لتر خناس
مشتے بےپر خناس
چاس ہمودے کنا
بےوس اننگا وطن