نوشکے: شیوان ادبی کاروان نا پارہ غان مجلس ہڈ تننگو

66

حوال: حسیب عاصم

براہوئی و بلوچ ادب کن کاریم نا رد اٹ پنی آ دیار نوشکے ٹی ادب و زبان نا خذمت برجا ءِ۔ اندا رد ئٹ چنکو وخت اسیٹ نوشکے و بلوچستان ٹی پنی ادبی تنظیم شیوان ادبی کاروان ڈاک ہم تینا سرسوبی تون مستی گام خلنگے۔

شیوان ادبی کاروان بلوچستان نا نیمہ غان اسہ مجلس ئس زیر صدارت مرکزی چیئرمین حفیظ  مینگل تدوکا دے تیٹ اڈ تننگا۔ مجلس اٹ زبان و ادب نا بابت بھاز آ ٹِک آتیا گپ تران مس ہراٹی حفیظ مینگل، پیر جان مہر، مولانا ضیاء جان، شیخ عتیق حسرت مینگل، نواز محسن و رحمت معصوم بشخ ہلکر۔

اندا مجلس اٹ تنظیم نا پارہ غان گڑاس فیصلہ کننگار کہ 27 اکتوبر یکشنبہ نا دے نوشکے عیسیٰ چاہ ٹی مجلس اس  ہڈتننگو ہراٹی عیسیٰ پبلک لائبریری ڈاک نا بنائی دود تون اوار شیوان ادبی کاروان بلوچستان نا مرکزی کابینہ نا سوغندی دود مرو، اندن کتاب آتا مون پاشی و محفل مشاعرہ ہڈتننگور۔

شیوان ادبی کاروان نا پارہ غا تیویٰ بلوچستان آن مہمان تیکن دعوت نامہ رادہ کننگانے ہراٹی اوفتیا مجلس اٹ بشخ ہلنگتون اوار تینتون لائبریری کن کتاب تا ٹیکی اتنگ نا خواست کننگانے۔