نوکنڈی : تیل منڈی میں آگ لگنے سے 3 افراد جھلس کر جانبحق

68

بلوچستان کے ضلع چاغی کے تحصیل نوکنڈی میں تیل منڈی کے ایک دکان میں آگ لگنے سے تین افراد جھلس کر جانبحق ہوگئے۔

شہریوں اور مقامی انتظامیہ نے آگ بجھانے کی ہر ممکن کوشش کی لیکن آگ کی شدت میں اضافے کے سبب انسانی جانوں کو بچانے میں کامیابی نہیں ملی۔

واضح رہے کہ بلوچستان کے متعدد علاقوں میں کھلے عام پیٹرول و ڈیزل کی خرید و فروخت کی دکانیں موجود ہیں جس کے سبب اکثر و بیشتر آگ لگنے کے واقعات پیش آتے رہتے ہیں ۔

نوکنڈی کے شہری عبدالکریم کبدانی نے دی بلوچستان پوسٹ سے بات چیت کرتے ہوئے کہا کہ ہم نے بارہا مقامی انتظامیہ کی توجہ اس جانب مبذول کرائی کہ تیل کی کھلے عام اور بازاروں کے درمیان خرید و فروخت پہ پابندی عائد کی جائے لیکن بدقسمتی سے اس جانب کوئی توجہ نہیں دی گئی۔