توار چست کنگی انت – ریاض بلوچ

67

توار چست کنگی انت

ریاض بلوچ

دی بلوچستان پوسٹ

او پدا کسان سالیں علی حیدر ہم بیگواہ کنَگ بوت، بلے من ابکّہ نبوتاں، چونا یا وا ابکہی گپ ءِ اَت کہ آ کسان امبریں گونڈل ءِ اَت ناکہ ترند یں سیاست ءِ کنگائیں و ناکہ تُپنگ ءِ بڈھا ءِ تے کوھ ءَ ات،
بلے من ابکّہ نبوتاں وھدے کہ مے گوانزگی شیر مچیں طفلاں اے استان ءِ بندیگ جاہ ندارگ کتگ انت گڈا علی ھیدر بلکہ چہ آہاں کمو گیشتر تکلیپی یا درد برداشت کت کتگ.

اے کَوزہ گیر یں ریاست چہ اولی روچ ءَ کہ وجود ءَ اتکگ یک جارح یں یا aggressive state ءِ دگنیا ءَ پجارَگ بیت ، اے چہ ازل ءَ یک پوجی ریاست ءِ او اشی ریاستی دارومدار سرجمی ءَ پوج ءِ دست ءَ اَنت.

آ دگہ گپے کہ کدی کدی کسانیں مدت ءِ واستہ جمہوریت ءِ دروگ یں چادر ءَ مان پوشیت پہ دگنیا و عالمی ادارہ آنی چمانی بند کنَگا او چہ آہاں ہمدردی و پنڈگ گپت.

اے ریاست ءِ ھچ ادارہ جمہوری نہ انت او ناکہ وتی پیسلہ آں آجو انت. ریاست ءِ جند یک پوجی کیمپ ءِ درور انت ، بلوچ وا پہ زور گرگ ءُ ادا ماں گیشینگ بوتگ او ھنچو ایدگہ بازیں راج ءُ اقلیت یں مذہب آنی مھلوک ہم چہ ایشی شیزاری انت ، گُلامی ءِ آماچ اَنت.

مھلوک ءَ پہ زور گرگ و بیگواہ کنَگ، سال آنی سال مپت ناحق زندان آں بند کنگ، جسمانی و ذہنی تشدد کنگ چہ آہاں گیشتر ءِ کُشگ ءُ آہانی زنگولیں جون آنی دور دیگ، پہ کسمت اگاں کس ءِ بچّیت ءُ آجو کنگ بیت آ ہم پہ زند ءِ ھساب نہ انت، چہ آہاں بازیں پدا اسپتال آں ساہ دیَنت یا نیم مرگیں زند گوازین انت.
اے یک دو سال ءِ کسّہ ءِ نہے اے ریاست چہ وتی وجود ءَ آیگ ءَ پد وتی ناجائز یں وجود ءِ پہ زور دارَگ ءِ ھاترا اے کارپد آں چہ 1948 ءَ یک شل ءَ کنگائیں.

بلے وھد و زمانگ آں جوانیں رسانکدر ءِ نہ بوگے سوب ءَ بازیں چیز لس مھلوک ءَ یا دگنیا ءَ تا سر نبوتگ، بلے
بلے دگنیا نوں کہ سرپد انت کجا توارچست کنگاینت ؟ او اگاں چست نکنگاینت سوب چی انت ؟ آ کجام مجبوری انت کہ دگنیا ھاموش انت ؟؟
آیا اے ریاست ھنچو توانا ءُ وتسر انت کہ ہرچی کنت بکنت ؟
آیا اے ہم بوت کنت کہ ما یک مشت ءَ یک مُھکم یں توار ءِ چست کنگا ناکام بوتگ انت؟

من اے ھبر ءَ سدَک آں کہ اے ریاست ءَ انٹرنیشنل سیاست و ڈپلومیسی ءَ دیری شکست وارتگ او اشی ءِ نتیجہ بازیں رنگ ءَ دیما آیگ ءَ اَنت، ھنچو کہ اشی گرے لسٹ ءَ روگ، عالمی ادارہ آنی توکا ایوکی، پہ وام گرگ ءَ در پہ در بوگ وغیرہ وغیرہ.
ھو راستے کہ تُپنگ ءِ توار چہ اشی ادارہ آنی بہر بوگ ءُ کوکار کنَگا چہ گیشتر برز تر انت، بلے اشی ءَ جمہوری یا سیاسی دروشم ءَ واہ ءُ کوکار سَک تورینیت ، علی ھیدر ءَ دگہ جُرم ءِ نکوتگ ات آ بس وتی بیگواہیں پت ءِ شوہاز ءَ در پہ در ات، پریس کلب و دَگ آنی سرا زھرشانی کنگا اَت. بلے انگتہ پہ ریاست ءِ ھترہ ءِ زانگ بوت ءُ چستی کت.
کماش شہسوار وڈیں بزرگ او علی حیدر وڈیں جوان اے کسی آسرا ءَ نکنت او ناکہ انسانی راہ و رھبند زانت. بلے
بلے یک یک مُشت ءُ مُھکم یں توار یا چہ جلدی تکانسر بیت کنت، انچو کہ علی حیدر ءِ واستہ چست بوتگیں توار ءَ اشی ءَ لاچار کت اگاں ہمے رنگ ءَ مُلک توکا نشتگیں مھلوک پہ ایدگہ گار ءُ بیگواہ آنی واستہ ہمے رنگ ءَ گوں مُھکمی توار چست بکن انت الّم آہانی جُہد رنگ کاریت.

اے انسانی حق و اوبال آنی واستہ چست کتگیں یک آواز ءِ اشی واستہ مارا ھچ وڈیں ترس و بیم ءِ آماچ بؤگی نہ انت پرچا کہ تو یک بیگناہ یں انسان ءِ کہ سالاں سال بندیگ انت بیگواہ انت آہی آجوئی ءِ واستہ آواز چست کنگائے، ترا پہ اے آواز چست کنگا دگنیائے ھچ کانود گر و بند یا مکَن کت نکنت.

پاکستانی ریاست وتی و دگنیائے جوڈ کتگیں کانود آں لگتمال کنگاینت لس مھلوک ءَ ابید جُرم ءُ میار برَگ و گار کنگاینت آہاں ابید عدالتی پیسلہ ءَ کُشگ ءُ دور دیَگا ینت. تئی توار تئی باندات ءَ تئی آؤکیں پدریچ ءِ باندات ءَ محفوظ تر کنت، مرچی تو توار چست کنے باندا پہ تو توار چست کنگ بیت ، او اگاں مرچی تو گوں کُل آنی توار ءَ ہم توار بے اے سلسلہ ہم اوشتات کنت.

ہمے ماما قدیر و نصراللہ کہ مُدام کیمپ ءِ بند کنگے بیھار دیَگ بنت اشاں اودا راکٹ لانچر نہ منڈیتگ و نہ نشتگ انت بس گوں ہاموشی ءَ بیگواہ آنی عکس درتکگ و نشتگ انت.
پشتون آنی دو رھشون کہ ہمے ریاست ءِ اسمبلی ءِ ممبر انت تُپنگ بردار نہ انت پدا ہم گار و بیگواہ کنگ و بندیگ کنگ بنت، پرچا؟؟

زی کہ علی ھیدر پہ درستیں بندیگ آں یک مُھکم یں توار ءِ بوتگ ءُ دو ہزار میل پند بُریتگ مرچی آیا مے سرا فرض نبیت کہ پہ آہیگی ھاترہ چار لبز نبشتہ بکنیں یا چار دانک بگشیں یا آئی عکس ءَ بزوریں ڈنا در بہ کپ ایں.

مارا یک رندے پدا وتی مھلوک ءَ سیاست سرپد کنگی انت ، جمہوری و سیاسی دروشم ءَ آواز چست کنگے سکین دیگی انت.

وتی توار ءَ چست کن اشی ءَ چہ پیش کہ تئی توار ہم بندیگ کنَگ بہ بیت.


دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔