بولان میں پاکستانی فوج عام شہریوں کو نشانہ بنا رہا ہے- بشیر زیب بلوچ

121

بولان میں پاکستانی فوج کی جانب سے گذشتہ دو روز سے جاری جارحیت پہ میڈیا سمیت انسانی حقوق کے اداروں کی خاموشی ایک مجرمانہ عمل ہے۔

ان خیالات کا اظہار بلوچ لبریشن آرمی کے رہنماء بشیر زیب بلوچ نے سوشل میڈیا کے ویب سائٹ ٹویئٹر پر اپنے ایک بیان میں کیا ۔

انہوں نے کہا کہ بولان میں پاکستانی فوج عام شہریوں کو اپنی جارحیت کا نشانہ بنا رہا ہے اور اس جارحیت پہ انسانی حقوق کے اداروں سمیت میڈیا کی خاموشی ایک مجرمانہ فعل ہے۔

بی ایل اے کے رہنماء نے کہا کہ جب بلوچ سرمچار شہریوں کی حفاظت کےلئے پاکستان کی جارح فوجیوں کو نشانہ بناتے ہیں تو یہی ادارے چیخ و پکار شروع کردیتے ہیں ۔

واضح رہے کہ بولان و آس پاس کے علاقوں میں گذشتہ دو دن سے پاکستانی فورسز کی زمینی و فضائی آپریشن جاری ہے جس کے نتیجے میں تاحال تین افراد جانبحق جبکہ متعدد گرفتاری کے بعد لاپتہ ہوچکے ہیں ۔