پنجگور: اسکولوں میں داخلہ مہم کے حوالے سے واک

64

پنجگور کے علاقے خدابادان میں گورنمنٹ بوائز ہائیر سیکنڈری سکول خدابادان کی جناب سے تعلیمی سلسلے میں ایک واک کا اہتمام کیا گیا جس کی قیادت اسکول کے ہیڈ ماسٹر ناصر بلوچ، ڈپٹی ڈسٹرکٹ ایجوکیشن ریاض سعید، ڈی ای او محمد جان اور اسکول کے اسٹاف نے کی۔

واک گورنمنٹ بوائز ہائیر سیکنڈری اسکول خدابادان سے نکل کر مختلف راستوں سے ہوتے ہوئے مواچ چوک پر مجمع کی شکل اختیار کرلی، واک میں شرکا نے ہاتھوں میں بینر اور پلے کارڈ اٹھائے رکھے تھے جن پر والدین و ذمہ داروں کو اپنے بچوں کو سکول داخلہ یا سکول لانے کے پیغام کے جملے درج تھے۔

مواچ چوک میں شرکا سے مقررین نے خطاب کرتے ہوئے کہا کہ سرکاری اسکولوں کی سہولیات میٹرک تک ہے کلسٹر پروگرام کے تحت بہت سے اسکولوں کے مسائل حل ہوئے ہیں اس کے ساتھ باقاعدہ تمام کتابیں وضیفہ غریب یتیموں کے یونیفارم سمیت دیگر سہولیات مل رہے ہیں ۔ انہوں نے کہا ہے کہ جب تک آپ اپنے بچے کو اسکول نہیں دیں گے ایک روشن مستقبل کبھی حاصل نہیں کرسکتے ہیں ترقی پسند سوچ یہی کہتے ہیں کہ مجھے اسکول دو میں تمہیں ترقی یافتہ شہر دونگا۔