کورونا وائرس کے سبب عید سادگی سے منائیں گے – آغا حسن بلوچ

24

بلوچستان نیشنل پارٹی کے مرکزی سیکریٹری اطلاعات آغا حسن بلوچ نے ایک اعلامیہ جاری کرتے ہوئے کہا ہے کہ مرکزی فیصلے کے مطابق عیدالفطر عالمی وباء کورونا وائرس کے سبب انتہائی سادگی سے منائی جائے گی۔

مرکزی سیکریٹری اطلاعات نے اس سلسلے میں عوام سے اپیل کی ہے کہ وہ عید کے دن ایک دوسرے سے ملنے کے لئے جانے سے اجتناب کریں تاکہ اس وباء سے محفوظ رہ سکیں ۔

انہوں نے مزید کہا احتیاطی تدابیر پہ سختی سے عمل کرکے خود کی اور اپنے پیاروں کی زندگیاں محفوظ بنائیں۔