منی تنگھیں برات منی ھمبل – سنگت ازیز بلوچ

73

منی تنگھیں برات منی ھمبل

نبشتہ کار: سنگت ازیز بلوچ

دی بلوچستان پوسٹ

منی ھمبل منی تنگھیں برات دوست مھمد ولد سالھ مھمد ھشت سال سرجم انت کہ گار ءُ بیگواہ انت ،دوست مھمد اُمان آرمی ءَ آپیسررنک ءَ بست ءُ ھشت سال انت کہ کار ءَ بوتگ ءُ مرچیگیں روچ بزاں 12 پروری 2012 ءَ یک ماھے ءِ ھاتر ءَ وھدے دوست مھمد وتی موکلاں گوازین ایت پہ مسکت اُمان ءِ ھاتر ءَ چہ پنجگور بالی پٹ ءَ وھدے دیم پہ کراچی ءَ رھادگ بیت ءُ کراچی ءَ سر بیت گڑا آئی ءِ سانگ بند امران بالی پٹ ءَ دیم ءَ کیت ءُ آئی ءَ دست گیپت، وھدے دیم پہ پرانا گولیمار ءَ روگ ءِ ھاتر ءَ چہ بالی پٹ ءَ ڈن درکاینت ھمے ساھت ءَ دو( سرپ گاڈی) موٹل آیانی دیم ءَ تروکی دنت ءُ دستاں برز ءَ دنت ءُ چماں بند ایت زور ایت روت، 12 روچ ءَ پد امران یلہ کنگ بیت دوست مھمد انگت ھشتمی سال انت کہ گار ءُ بیگواہ انت، ھما وھد ءَ ما کراچی ءَ ارزی (ایپ آئی آر) کنگ ءِ ھاتر شُت ایں، بلے مئے ایپ آئی آر پولیس ءَ نہ زرت پاکستانی (عدالت) آمیدگس ءُ دومی وزیر گزیراں ھم اے جیڑہ ءِ سر ءَ گوں ما ھچ وڑیں کمک انگت نہ کرتگ ءُ دومی مئے وتی کس ءُ ازیزاں کہ آیانی دست سرکار ءِ تہ ءَ ھست اَنت، مئے کمک کنگ ءَ ابید مارا گیشتر ازیت کتگ اِش، باید اے نگیگیں وھد ءَ مئے ھما مردم کہ وت ءَ سیاستدان گش اَنت مئے کمک ءُ مدت اش بہ کتیں بلے مارا چہ آیاں وتی سیاست ءُ ھما مردم دوست بنت کہ آیان ءَ نپ ءُ پائدگ دینت.

دوست مھمد یک بے گناھے ءُ آئی ءَ ھچ کسورے جرمے نہ کتگ ءُ ناکہ یک (تنظیم) گلے ءَ گوں آئی ءِ سیادی ھست انت اگاں دوست مھمد ءَ کسورے جرمے کتگ گڑا سرکار وتی آمید گس ءَ بیار ایت ءُ پیش ئِے بہ کنت ناکہ اے رنگ ءَ سالاں سال بے گناہ ءَ کسے ءَ بزگ بہ کنت، مئے گوں انسانی ھکانی گل ءُ (اقوام متحدہ ) کومی ھکانی ءِ سرکماش ءَ دست بندی انت کہ منی برات ءِ درگیجگ ءَ مئے کمک ءَ بہ کن انت ءُ
پاکستانی سرکار ءَ کڈن بہ کن اَنت تاکہ مئے بے گناھیں برات ءَ در بہ کنت


دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔