بلوچستان لبریشن فرنٹ کے ترجمان میجر گہرام بلوچ نے گوادر میں مختلف منصوبوں اور ایسٹ بے ایکسپریس وے کو کرش سپلائی کرنے والے پلانٹ پر حملے کی ذمہ داری قبول کرتے ہوئے کہا ہے کہ آج ہفتہ کے روز ضلع کیچ میں تربت کے قریب دیہات بازار میں سی پیک روٹ پر واقع کرش پلانٹ پر سرمچاروں نے حملہ کیا۔ کرش پلانٹ کے ایک لوڈر کو نذر آتش کرنے کے ساتھ پلانٹ کو نقصان پہنچایا ہے۔ یہ کریش پلانٹ سی پیک کے تحت گوادر میں مختلف منصوبوں جیسے ایسٹ بے ایکسپریس وے کی تعمیر کیلئے کرش سپلائی کرتا ہے۔
میجر گہرام بلوچ نے مزید کہا کہ یہ پلانٹ سی پیک روٹ پر واقع ہونے کے ساتھ ایکسپریس وے اور دیگر سامراجی منصوبوں کو کرش سپلائی کرتا ہے۔ اس سے پہلے بھی اس پلانٹ کو نشانہ بنا کر مشینریوں کو نقصان پہنچایا گیا ہے۔ مقامی ٹھیکیداروں کو کئی دفعہ ریاستی معاون کاری سے باز رہنے کا کہا گیا ہے مگر وہ اب بھی چند عارضی مراعات کیلئے ریاست کے ہمنواء ہیں۔
انہوں نے کہا کہ ہم واضح کرتے ہیں کہ قابض ریاستی منصوبوں میں شامل افراد کے ساتھ دشمن جیسا سلوک کیا جائے گا۔
