مسلح افراد نے علی الصبح سی پیک روٹ پر فرنٹیئر کور کے اہکاروں پر حملہ
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع پنجگور میں نامعلوم مسلح افراد نے پاکستانی فورسز کو نشانہ بنایا ہے۔
حملے میں پنجگور شہر کے قریب سی پیک روٹ پر قائم فرنٹیئر کور چیک پوسٹ کو نشانہ بنایا گیا جبکہ حملے کے بعد فورسز کی مدد کیلئے اضافی نفری پہنچ گئی ہے۔
علاقائی ذرائع کے مطابق حملے میں راکٹوں اور دیگر ہتھیاروں سے فورسز کو نشانہ بنایا گیا جس کے نتیجے میں فورسز اہلکاروں کو جانی نقصانات اٹھانے پڑے ہیں۔
ضلعی انتظامیہ کی جانب سے تاحال اس حوالے سے کچھ نہیں کہا گیا ہے جبکہ حملے کی ذمہ داری کسی تنظیم کی جانب سے قبول نہیں کی گئی ہے۔
