گدروکا یکشمبہ 15 دسمبر 2019 نادے بلوچستان ادبی کچاری مستونگ نا بنجائی ہنکین آ اسہ گچینو محفل مشاعرہ ئس اڈ تننگا۔
محفل نا صدارت ءِ براہوئی اکیڈمی مستونگ لڑنا کماش حاجی عبدالحیات منصور کرے، خاص انگا مہمان سراوان ادبی فورم نا کماش ملک لیاقت سیماب ئسکہ اندن اعزازی مہمان تیٹی راہشون ادبی دیوان بلوچستان نا چیئرمین شکیب نذر، سراوان ادبی دیوان کانک نا کماش شہزادہ قاسم اسیر، شاشان انجمن شعراء مستونگ لڑنا کماش بہاول نسیم، سیوت ادبی دیوان نا باسک رشید عاجز، سوز ادبی دیوان نا کماش مجید خیر ئسک اوار اسر.
داکان بیدس شال ادبی دیوان کوٸٹہ نا کماش اعجاز سنگت ئسک ہم اعزازی مہمان نا دروشم اٹ محفل اٹی خصوصی بشخ ہلکر.
نظامت نا فرض آتے بلوچستان ادبی کچاری مستونگ نا بنجائی صدر عبداللہ جوہر ایسر تس و اندن تلاوت نا سعادت ءِ حافظ عادل محمود دوئی کرے.
مشاعرہ ٹی سید غریب شاہ انجم، عبداللہ جوہر، بلسم براہوئی، ہدایت فدا، حسین شہزاد، اکرم شہزاد، صلاح الدین شہزاد، اے جی بلوچ، سعید احسان، عادل محمود، طاہر حسین، ثناء ثنائی، رحیم ویدن، نثار احمد، فرید سمالانی، جلیل شاہوانی و شعیب عزیز ئسک ہم تینا گچینا شاعری تے بنفیر۔
