بلوچ پاکستانی قبضہ و چین کی سامراجی عزائم کے خلاف مزاحمت جاری رکھیں گے – بشیر زیب بلوچ

سی پیک کے نویں جوائنٹ کوآپریشن کمیٹی (جے سی سی) کے اجلاس کے اختتام پر دونوں فریقوں نے گوادر اسمارٹ سٹی ماسٹر پلان کی بھی منظوری دی، صحت اور تجارت کے شعبے میں تعاون کے لئے مفاہمت کی دو یادداشتوں پر دستخط کیئے گئے۔

پاکستانی وفاقی وزیر منصوبہ بندی، ترقی و اصلاحات مخدوم خسرو بختیار کے مطابق 2400 کلومیٹر پر محیط پاک افغان سرحد پر باڑ لگانے کا کام 10 سال پہلے ہی مکمل ہونا چاہیے تھا۔ انہوں نے کہا کہ اب یہ کام 2020 تک مکمل ہوجائے گا اور ایران کی سرحد پر بھی اسی رفتار کو یقینی بنایا جائے گا۔

دونوں فریقین نے کانوں اور معدنیات کے شعبوں خصوصاً تانبے اور سونے کی کھدائی اور انخلاء میں پیشرفت پر بھی اتفاق کیا۔ انہوں نے کہا کہ دونوں فریقوں نے معاشرتی شعبے کی ترقی کی تکمیل کو تیز کرنے کا عندیہ دیا جس کے لئے چین نے 1 بلین ڈالر کی گرانٹ کا وعدہ کیا ہے۔

خیال رہے بلوچ سیاسی حلقوں کا کہنا ہے بلوچستان کو غیر فطری ڈیورنڈ لائن کے ذریعے بلوچستان کو تقسیم کیا گیا ہے جس کے باعث بلوچستان کا ایک حصہ ایران اور ایک حصہ افغانستان میں شامل ہے۔ بلوچ حلقے اس تقسیم کے خلاف بارہا اپنے ردعمل کا اظہار کرچکے ہیں۔