بلوچستان لبریشن فرنٹ کے ترجمان میجر گہرام بلوچ نے پنجگور میں پاکستانی فوج پر حملے کی ذمہ داری قبول کرتے ہوئے کہا کہ آج اتوار کے روز سرمچاروں نے ضلع پنجگور میں پاکستانی فوج کی پیدل سپاہیوں پر حملہ کیا۔
انہوں نے کہا کہ صبح گیارہ بجے پروم کے علاقے کلہ کور میں چار فوجیوں پر اس وقت حملہ کیا جب وہ قریبی بازار سے واپس کیمپ کی جانب جارہے تھے۔ حملے میں تین فوجی موقع پر ہلاک اور ایک زخمی ہوا ہے۔ سرمچار قابض فوج کے ساتھ طویل جھڑپ کے بعد کامیابی سے اپنے محفوظ ٹھکانوں میں پہنچ گئے ہیں۔
میجر گہرام بلوچ نے کہا کہ یہ حملے بلوچستان کی آزادی تک جاری رہیں گے۔
