علاقہ مکینوں نے گریڈاسٹیشن پر دھاوا بول کر اسٹاف کو یرغمال بنا لیا۔
تفصیلات کے مطابق ضلع کیچ کے علاقے مند میں بجلی کی عدم دستیابی و لوڈ شیڈنگ سے تنگ علاقہ مکینوں نے مند گریڈ اسٹیشن پر دھاوا بول کر اسٹاف کو یرغمال بنا لیا۔
مظاہرین نے گریڈ اسٹیشن سے گوادر و مکران کے مختلف علاقوں میں جانے والے بجلی کو احتجاجاً معطل کردیا۔
چار گھنٹے یرغمال رہنے کے بعد علاقہ مکین و انتظامیہ میں مذاکرات کامیاب، مظاہرین نے گریڈاسٹیشن خالی کردی۔
مظاہرین کے مطابق بجلی کی بلاوجہ لوڈشیڈنگ و بندش کے باعث معمولات زندگی شدید متاثر ہورہی ہے جس پر آج علاقہ مکینوں نے احتجاجاً گریڈاسٹیشن پر قبضہ کرکے تمام ڈویژن کے بجلی کو چار گھنٹے تک معطل رکھا۔
