دی بلوچستان پوسٹ نمائندہ کوئٹہ کے مطابق بلوچستان کے دارالحکومت کوئٹہ میں نامعلوم افراد نے گھر میں گھس کر ایک شخص کو فائرنگ کر کے قتل کر دیا۔
فائرنگ کا واقعہ کوئٹہ کے علاقے غوث آباد میں پیش آیا جہاں نامعلوم افرادنے گھر میں گھس کر فائرنگ کردی، جس سے 55 سالہ اختر محمد جاں بحق ہوگیا۔
مذکورہ شخص کی نعش کو ضروری کارروائی کیلئے سول ہسپتال کوئٹہ منتقل کیا گیا جبکہ پولیس نے تفتش شروع کردی ہے۔
