دی بلوچستان پوسٹ نیوز ڈیسک کو موصول ہونے والی اطلاعات کے مطابق سی ٹی ڈی حکام نے دعویٰ کیا ہے کہ نصیر آباد کے علاقے نوتال میں سی ٹی ڈی اور ایف سی نے خفیہ اطلاع پر کارروائی کی ہے۔
سی ٹی ڈی حکام کے مطابق سیکیورٹی فورسز اور مسلح افراد میں فائرنگ کے تبادلے میں ایک شخص مارا گیا جبکہ دو افراد فرار ہوگئے جن کو تلاش کرنے کے لیے کاروائی جاری ہے۔
سی ٹی ڈی حکام نے دعویٰ کیا ہے کہ کارروائی میں مارے جانے والا شخص بولان کے علاقے چھلگری اور فتح پور درگاہ میں خودکش حملوں کا سہولت کار تھا۔
تاہم حکام کی جانب سے مذکورہ شخص کی شناخت ظاہر نہیں کی گئی ہے۔
