سنگت ءِ جُست – داد شاہ بلوچ شاشانی

43

سنگت ءِ جُست

نبشتہ کار: داد بلوچ شاشانی

دی بلوچستان پوسٹ 

من ءَ سنگتے ءَ یک روچے گْوشت ۔۔۔۔

سنگت ۔۔۔۔۔۔ داد اے امران ھان چونیں بے سُدّے یک روچے گْوش اِیت من مُلک ءَ پہ ھیک سیر ءُ آباد کن آں یک روچے گْوشیت من پہ واد مُلک ءَ سیر ءُ آباد کن آں چُشیں نادان مُلک پہ ھیک ءُ واد ءَ سیر ءُ آباد بیت کدی ۔۔۔ ؟؟؟؟

پسّو ۔۔۔۔۔۔۔ من سنگت ءَ را گْوشت یار اے وڑ بیت مُلک پہ ھیک ءَ سیر ءُ آباد بنت مُلک پہ واد ءَ ھم سیر ءُ آباد بنت بلے جیڑہ دگرے امران ھان سرپد نہ بیت یا آ بزگ ءِ دست نہ رَست اِیت کہ اے کار ءَ بکنت بس امران ھان پہ گپ ءَ دارگ بوتگ دگہ ھچ کُت نہ کن گپ کنگ ءَ ھم سوج دیگ بیت کہ اے اے گپان بہ کن ۔۔۔

اے گپ نوں پہ پاکستانی رھبر ءُ رھشُوناں زیب نہ دَنت پرچاکہ پاکستان ءَ چُشیں مَردُم وتی تَہ ءَ ودی نہ کُتگ کہ پہ پاکستان ءَ درد وار بہ بیت۔۔۔

اے گپ ءَ را اگاں یک ایمانداریں مُلکے ءِ ایمانداریں رھبر ءُ رھشُونے ءَ بُہ کُتیں باز وش ءُ تام دار بوتگ بدبھتی اِیش اِنت کہ پاکستان ءِ چپراستی ءَ بگر داں سر کماش ءَ بُرو پولیس ءَ بگر داں جنرل ءُ میجر ءُ کَرنلاں بُرو یکے پہ راج ءَ کوم ءَ مُلک ءَ گریب ءَ بزگ ءَ چورہ ءُ جنوزام ءَ نہ اِنت نہ کہ پہ ایشاں جیڑ اَنت ءُ نہ کہ درد بیت پہ ایشاں ھر کس بس وتی جند ءِ لاپ ءَ پہ وتی جند ءِ زھگاں ءُ مَردُماں جیڑ اِیت آدگہ چون بنت بہ بیت ڈاکٹر ءُ ھکیم ھم ھمے رنگ ءَ اَنت وانگجاہ ءُ نادراہ جاہ ھم ھمے رنگ اَنت نوں اد ءَ تو دنیا ءِ سرجمیں مال ءُ مڈیاں بیار ھچ نہ بیت گریب ءِ گریبی نہ روت نادراہ ءِ نادراھی نہ روت ۔۔۔۔

درور ۔۔۔۔ دبئی ءَ را چے ھست تیل دبئی سد در سد ءِ تہ ءَ یک درسدے بزان ۔۔سد فیسد ءِ تہ ءَ یک فیسدے ۔۔۔

دنیا ءِ تہ ءَ دبئی ءِ ھر کارے کہ بیت آ یا وَ اولی کار اِنت ۔۔ بزان دنیا ءِ تَہ ءَ ساری ءَ نہ بوتگ یا وَ اولی شُمار اِنت ( نمبر ) پرچا کہ دبئی ءِ سرکماش ءُ مستر ءَ بگر داں دبئی ءِ چپراستی ءَ بیا سرجم ءَ پہ وتی ڈیھ ءَ مُلک ءَ راج ءَ ایماندار اَنت تو اگاں دبئی ءِ سر ءَ پٹ ءُ پول بکن ئے وت ھیران بئے یار اے نہ بُوگی گپے کہ دبئی انچو سیر اِنت پرچا ۔۔۔

نوں امران ھان گار کُتگ ھاکاں شوھاز کنت ئِے پُراں پمیشکا من ءَ ءُ ترا دگہ وڑ گندگ ءَ کیت اے گپ ۔۔

تئی دل بُلوٹ اِیت تو ھرچی کُت کن ئے اے گپ منی ءُ تئی دیم ءَ مُدام گْوستگ انگت ھم گْوزگ ءَ اِنت بلے من ءُ تو انگت سرپد نہ اِیں چون بیت۔۔؟ اے یک بلائیں جُستے ۔۔۔!

چُش بیت کہ تو یک کارے ءَ را پاس ءُ دامان کن ئے یلہ نہ کن ئے تو دل ءِ ھُب ءُ واھگاں گوں کن ئے دَم نہ برئے بس تئی ھیال ءُ گُمان ھمیش اِنت من اے کار ءَ کن آں من اے کار ءَ کُت کن آں گوں نوکیں دابے ءَ گوں نوکیں دُروشُمے ءَ دنیا ءَ را پیش دار آں ۔۔

نوں تئی واست ءَ ھچ گِران ءُ مُشکل نہ اِنت تو امران ھان ءِ وڑ ءَ بس وتی جاگ ءَ مہ سُر مِند ءُ گپ کن ھچ نہ بیت پدا ھما گپان کہ تو کنگ ءَ ئے ھما گپانی تام روت اِزت کَپ اِیت کار شپ ءُ روچ کنگ لوٹ اِیت، ورگ ءُ چرگ تئی ھما کار ءِ سر ءَ بہ بیت گُڑاں تو سوبمند بئے.دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔


دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔