ماسکو : طالبان و افغان اپوزیشن رہنماؤں کے درمیان بات چیت دوسرے روز بھی جاری

35

افغانستان میں امن عمل سے متعلق مذاکرات کے لیے روس میں افغان اور طالبان رہنماؤں کی ملاقات ہوئی اور آج مسلسل دوسرے روز بھی مذاکرات جاری رہیں گے۔

دی بلوچستان پوسٹ نیوز ڈیسک رپورٹ کے  مطابق افغان رہنماؤں کے گروپ کی سربراہی سابق صدر حامد کرزئی اور طالبان وفد کی سربراہی ملا عبد الغنی برادر کررہے ہیں۔

طالبان نے افغان امن کے لیے غیر ملکی فوج کے افغانستان سے انخلا کو لازمی قرار دیا ہے۔

یاد رہے کہ ماسکو میں اس سے قبل بھی افغان رہنماؤں اور طالبان کے درمیان مذاکرات ہوئے تھے جس میں مذاکرات کا سلسلہ جاری رکھنے پر اتفاق کیا گیا تھا۔